TAMA ASEAN, AGRIKULTOR TENKI PREPARADU

Vise presidenti Camara Comersiu Industria Timor Leste (CCI-TL) , João Alves hatete, agrikultor sira tenki prontu atu produs produsaun ne’ebe sira iha hodi atende nesesidade merkadu internasional bainhira Timor sai ona membru ASEAN.

‘’Sai membru ASEAN agrikultor sira tenki pronto atu produs produsaun saida deit tuir nesesidade merkadu internasional, labele semata-mata sai deit membru ASEAN maibe ita seidauk pronto,’’ dehan João Alves ba jornalista iha edifisiu CCI-TL, Kuarta (02/03/2016).

João Alves hatete, sai membru ASEAN ne’e labele dependensia ba area produsaun maibe, Timor Leste mos buka halo akordu hodi hetan liberdade ba projetu Governu, liberdade loke kios no loja hotu.

Maibe tuir Joao katak, Timor Leste mos labele loke hotu ba ASEAN, se lae ida ne’e sai pontu fraku ba Timor, tanba loke hotu ba ASEAN hatene saida mak Timor iha.

‘’Hau seidak intende lolos prosesu atu sai membru ASEAN ne’e oinsa, maibe tuir hau ita labele loke buat hotu ba ASEAN ne’e sai pontu frakeja ba ita area produsaun ba hau agora dadaun problema seluk agrikultor sira infrenta mak sira produs barak, maibe merkadu la uja hanesan deit,’’ hateten João Alves.

Nia sublina katak, iha Timor ailia ho kinur ema balun hare la vale, maibe iha nasaun Singapura konsumedores no merkadu presija tebes, entaun sasan sira ne’e folin tebes. Tan ne’e problema ba agrikultor sira mos nesesidade merkadu ne’ebe menus halo sira produs mos ituan deit. nia

Jornal Nacional