Ministru
Negosiu Estrangeiru e Kooperasaun (MNEK), Hernanio Coelho, hateten prosesu
Timor adere ba ASEAN tama ona iha fase dispera (hein deit) no bele akontese iha
2016, tanba Timor kumpri ona prosesu hotu-hotu.
Ministru
Coelho, hateten iha tinan kotuk 2015 Asosiasaun Nasaun sira iha Azia Sudestiku
(ASEAN) counseling konsege halo ona assesmentu iha timor no agora dadaun hein
deit nia rezultadu kona ba estadu membru sira nia apresiasaun final.
“Agora
dadaun ita halo tuir prosesu ne’ebe mak normal no hatudu ita nia
profesionalismu, efisiensia no efetividade iha ita nian area ekonomia, politika
no social,” Ministru Ceolho hateten, iha Parlamentu Nasional.
Tanba
ne’e, nia husu, partisipasaun husi sosiadade tomak hatudu kolaborasaun servisus
dezenvovle setor hotu–hotu ne’ebe mak timor iha ona.
Tanba
tuir nia, kriteria tama ASEAN diferente oituan ho Uniaun Europea nian, alende
hetan benefisiu mos tenke kontribuisaun ba organizasaun ASEAN ne’e rasik.
Iha
parte seluk Deputadu Arao Noe, hateten Timor iha interese bo’ot atu tama ASEAN,
maibe labele obriga aan enkuantu seiduak preparadu.
Tanba
tuir nia, bainhira Timor adere ba ASEAN ekonomikamente tenke livre ona hodi
compete ho nasaun bo’ot sira ne’ebe riku iha sorin-sorin ne’e.
“Ne’ebe
timor preparadu ona ga la’e, sekuandu seidauk keta obriga aan tama lalais tanba
iha parte balun ita seidauk preparadu,” Deputadu Noe hateten.
Nia
dehan, tama ASEAN tenke ho dignu, tenke hatudu nia komitmentu hodi prepara aan
didiak,tanba TL sei hetan nia benefisiu bainhira adere ba ASEAN.
“Liu-liu
iha parte ekonomia,” nia hateten.
The
Dili Weekly
Sem comentários:
Enviar um comentário