Feto
na'in ida lakon durante kalan iha tasi-ibun ida iha norte Austrália nian hafoin
hakilar katak lafaek ida lori nian no autoridade polísia sira tauk katak animal
ne'e bele oho ona feto ne'e.
Feto
ne'e karik la'o halimar iha Thornton Beach, iha loron-domingu kalan, iha norte
estadu Queensland nian antes desidi halo mergullu iha área ida ne'ebé koñesidu
tanba iha reptil barak.
"Feto
ne'e nanin ho nia belun ida, ne'ebé iha mós tinan 40, bainhira akontese
insidente ne'e iha tuku 10:30 (oras lokal)", hatete hosi polísia.
Jornal
australianu Nine News haktuir sasin sira ne'ebé rona feto ne'e nia hakilar:
"Lafaek ida dada ha'u, Lafaek ida dada ha'u!".
Responsável
hosi polísia nian Russel Parker hatete katak feto sira - tuir australianu sira
ne'ebé vizita ona área ne'e - iha hela bee laran bainhira lafaek dada feto
ne'e, nia belun tenta ho hakfodak dada nia ba seguransa.
"Sira
desidi nanin iha tasi ho de'it bee to'o iha sintura no, iha momentu ida, ami
hanoin katak lafaek ida dada feto ida", nia hatete ba Australian
Broodcasting Corporation.
"Nia
belun fó alarme ba empreza lokal ida no sira alerta ona polísia", nia
hatutan.
Helikópteru
ida tulun nian haruka ona ho ekipamentu imajen térmiku nian maibé seidauk bele
hetan feto ne'e. Polísia marítimu mós la konsege halo bainhira hahú hikas buka
iha loron-segunda ne'e.
Parker
hatutan ona katak sobrevivente "senti hakfodak tebes" maibé konsege
salva ho kanek oituan.
Brisbane
Courier-Mail hatete katak Thornton Beach situa besik tasi-ibun ida ne'ebé
organiza beibeik paseiu sira hodi haree lafaek sira no iha avizu barak iha área
sira ne'e.
Atake
ne'e la'ós atake dahuluk iha zona ne'e. Lafaek boot ida, ne'ebé koñesidu ho
naran Big Jim, lori tiha ona feto traballador lokal, Baryl Wruck, iha tinan
1985 bainhira nia nanin durante kalan iha fatin ida ne'ebé besik Thornton
Beach.
Lafaek
sira hetan beibeik iha norte tropikal Austrália nian no oho iha média ema na'in
rua iha tinan ida nia laran.
SAPO
TL ho Lusa
Sem comentários:
Enviar um comentário