Ofisial
militar hosi Guiné-Bissau sira ne'ebé iha rezerva no elementu sira hosi ONG
sira tenta konvense daudaun governu demitidu hosi Guiné-Bissau hodi husik sede
ezekutivu nian, hatete hosi fonte ligadu ba prosesu ne'e ba Lusa.
Tuir
fonte ne'e, komandante sira hosi Guarda Nasional no hosi Polísia Orden Públiku
nian komparese iha loron-domingu iha fatin ne'ebá hodi liberta instalasaun sira
ne'ebé okupa hanesan dalan protestu hasoru nomeasaun ba primeiru-ministru foun,
maibé membru ezekutivu sira kontinua nafatin iha fatin ne'e, hodi afirma fali
katak, iha lei Guiné-Bissau nia oin, "sira iha lejitimidade hodi hela iha
palásiu, to'o hahú funsaun sira hosi Governu foun ida".
Ba
loron-segunda ne'e sei hahú negosiasaun foun ida ho "ekipa boa vontade
ida" ne'ebé harii hosi ofisial militar balun hosi Guiné-Bissau ne'ebé iha
rezerva no elementu sira hosi ONG sira, liuliu plataforma ida hosi feto no
joven sira.
Governu
hosi Partidu Afrikanu ba Independénsia hosi Guiné no Cabo Verde (PAIGC) ne'ebé
lidera hosi Carlos Correira no ne'ebé demiti tiha ona hosi prezidente
Guiné-Bissau nian, José Mário Vaz, iha loron 12 Maiu, akuza xefe Estadu ba
violasaun hosi Konstituisaun.
Iha
kauza maka Prezidente fó pose ba primeiru-ministru foun ida, Baciro Djá,
deputadu afastadu hosi PAIGC, no la fó fali ba partidu tarefa hodi hili elenku
governativu foun ida.
Hahú
loron-kinta maka ezekutivu demitidu okupa Palásiu Governu hanesan dalan pasífiku
protestu nian.
SAPO
TL ho Lusa
Sem comentários:
Enviar um comentário