Publika Kazu Liu Prazu, CNRT Sei Tuntut Nama Baik, MP Intrega Kazu Kalbuadi ba Tribunal

DILI – Partidu CNRT Konsidera kazu Francisco Kalbuadi Lay liu ona prazu, tan nee sei tuntut nama baik Partidu nian hasoru media neebe halo publikasaun, maibe parte Ministeriu Publiku intrega kazu nee ba iha tribunal.

Tiur Xefi Bankada CNRT Natalino dos Santos katak Bankada CNRT konsidera kazu neebe deskonfia Francisco Kalbuadi Lay hasoru, liu-liu prazu ona no mos presegisaun politika hasoru CNRT.

Ami lamenta mak media sira fo komentariu arbiru iha jornal labazea ba faktus, kuandu kazu nee mak liu prazu ona media balun sei simu konsikuensia ami sei tuntut nama Baik partidu no pesoal,” dehan Natalino ba STL Tersa (11/10/2016) iha Parlamentu Nasional.

Nia hatete Publikasaun media sira nia ezazeradu liu tamba buat kiik oan ida maibe media sira halo boot, tamba CNRT partidu neebe boot no forte, tan nee ema koko liu husi meus sira nee atu hatun CNRT maibe CNRT nunka fraku.

Iha fatin hanesan Xefi Bankada Frente Mudansa Jose Luis Guterres hatete konsege hare ona dokumentu iha meja Bankada nian, neebe sei iha debate no sei hatoo iha enkontru lider bankada Parlamentar.

Nunee mos Ajunta Prokudaria Republika Zelia Trindade hatete kazu Francisco Kalbuadi Lay bele akompaina iha trinbunal, tamba serbisu prokuradia nian hotu tiha ona. Informasaun kompletu iha STL Jornal no STL Web, edisaun Kuarta (12/10/2016). Timotio Gusmao

Suara Timor Lorosae