Subsidiu Ba Ensinu Superior Sei Iha Prosesu Nia Laran

DILI – Ensinu superior iha Timor Leste (TL), hahu hatama ona sira nia relatoriu ba iha Ministeriu Edukasaun (ME),  konaba subsidiu neebe uluk universidade simu tiha ona.

Tuir Direitor Jeral husi Ministeriu Edukasaun (ME), Antoninho Pires katak, subsidiu ba ensinu superior, iha manual ida probriu, tanba iha manual nee tenke tuir regras ida katak, sira tenke halo lai responsabilidade konaba osan subsidiu neebe mak uluk universidade sira simu ona.

Subsidiu ba ensinu superior nee ita hotu hatene katak, iha manual ida probriu, tanba iha manual nee tenke tuir nian regras ida katak, sira tenke halo lai responsabilidade konaba osan subsidiu neebe mak uluk universidade sira simu tiha ona, sira tenke hatama lai relatoriu ba iha  Ministeriu Edukasaun  (ME), depois ME sei halo prosesa ba iha  Ministeriu das finansas, depois ida nee aprova hotu tiha ona mak bele halo aloka fila-fali, neebe agora dadaun sei hatama  hotu tiha ona  ba iha prosesu nia laran,” hatete Antoninho ba  STL  iha nia knar fatin Kinta foin lalais nee.

Antoninho akresenta, osan subsidiu nee aloka ba iha ensinu superior para bele fasilita dosente no estudante sira neebe mak hetan valor diak iha universidade, maibe antes ME atu fo osan subsidiu foun, parte universidade mos tenke halo uluk relatoriu, atu nunee ME mos bele hatene, no universidade sira bele simu tan osan subsidiu foun.

Iha parte seluk, Reitor Institute Superior Cristal (ICS), Sebastiao Pereira hatete, konaba relatoriu ensinu superior privadu hotu hatama ona ba ME, atu nunee bele halo proesasa ba iha Ministeriu finansas. Informasaun kompletu iha STL Jornal no STL Web, edisaun Tersa (11/10/2016). Jacinta Sequeira/Guilhermina Franco

Suara Timor Lorosae