Bankada Fretilin Husu MAE Labele “Lohi” Administrador

DILI – Reprezentante povu iha uma fukun Parlamentu Nasional (PN) husu ba Governu liu-liu Ministeriu Administrasaun Estatal (MAE) labele lohi Administrador sira.

Tuir Deputadu Bankada Fretilin, Lionel Marcal hatete, asuntu konaba desizaun Ministeriu Estatal ba administrador postu sira hanoin katak kestaun ida nee presiza haree, tanba keta halo intrepretasaun husi maluk balun katak Ministru bosok fali Administrador postu sira.

Hau hanoin Ministru tenke haree didiak para keta ita mos intrepreta katak ida nee desizaun ida nee lohi deit ka kalma deit situasaun iha tempu neebe mak iha tempu neeba,” dehan deputadu, Lionel Marcal liu husi sesaun plenaria PN-Dili, Segunda (10/10/2016).

Lionel Marcal haktuir, tanba despaixu tun katak sira hetan nomeasaun temporariu ba durasaun fulan 6 deit, maibe realidade agora laos fulan 6, agora sae ba hodi kompleta fulan 6 maibe laiha rezultadu.

Iha sorin seluk, Deputadu Bankada PD, Virgilio Hornai dehan, nia preokupa prosesu nomeasaun administrador sira ho ninia sekretariu no dirasaun inklui responsavel munisipiu sira hotu. Nia dehan, tanba politika desentralizasaun administrativa neebe koalia katak autoridade sira neebe eleitu liu husi prosesu demokratiku ida.

Relasiona ho asuntu nee jornalista STL halo konfirmasaun ba Vise Ministru Administrasaun Estatal, Tomas do Rosario Cabral maibe laiha fatin. Informasaun kompletu iha STL Jornal no STL Web, edisaun Kuarta (12/10/2016). Raimundo S. Fraga

Suara Timor Lorosae