Celestino Gusmão*, Díli
Parabens
povu Timor-Leste, ba komemorasaun loron proklamasaun 28 Novembru 2016. Maske
unilateralmente maibé nasaun barak mak rekonese deklarasuan proklamasaun
momentu ne'ebá.
Momentu
istóriku ida ne'ebé afirma an ba mundu nudár Povu ida ke bele moris mesak husi
dominiu rai li'ur nia. Loron 11 de'it Indonézia ho apoiu nasaun boot sira
invade TL.
Liafuan
sira ne'ebé nakfilak sai valor no prinsipiu ne'ebé lori Povu ba Luta iha altura
ne'ebá mak; moris igual, kombate burgejia, kombate previlejiu no poder tomak iha
Povu nia lima, poder ekonomiku no Politiku tenke soberanu duni ho Povu.
Realidade
atual mak; Politiku no funudor barak mak okupa ikas klase burgejia tanba sira
mak hetan barak liu husi benefisiu Estadu nia kompara ho Povu Maubere sira iha
area rurais, Politiku no funu na'in sira balun nia oan hetan edukasaun
kualidade di'ak tebes, hetan kuidadu saude ho di'ak no hetan aihan ho
komponente kaloria, proteina, vitamina no nutrisaun boot.
Povu
maioria; Inan feto sira lao kilometru barak hodi hetan bee mos, oan sira lao
kilometru barak hodi hetan edukasaun, inan sira lao kilometru barak hodi hetan
kuidadu saude. Oan sira matan dukur durante iha sala laran tanba dadeer la han
no hetan aihan laiha nutrisaun, kaloria, vitamina no proteina.
Sera
ke kondisaun moris atual mak nasaun ne'e uluk hakarak? Povu TL lakon ema liu
200.0000 para hetan nasaun ida ke ho forma nune'e? Moris igual no kombate
burgejia mak hatudu iha kondisaun moris actual?
Ate
bainhira ita atinje finalidade ba inserteza moris di'ak nia?
Ita
nia ekonomia 90%, merkadu mak deside, hahu husi supermi too foos Indonézia,
Vietnam no nasaun sira seluk mak deside no fornese. Nasaun ho modellu hanesan ne'e
mak proklamasaun uluk hakarak?
Abracos!
Maubere
Gusmao
Sem comentários:
Enviar um comentário