Drainazen Intupidu, Xanana Fo Sala Tribunal De Kontas

DILI - Drainazen intupidu iha area Komoro, hamosu inundasaun iha Airo Portu Nicolau Lobato, Eis Primeiru Ministru, atual Ministru Planiamentu Inviestimentu Estrateziku Kay Rala Xanana Gusmao fo sala ba Tribunal de Kontas, tanba husi V Governu Kostitusional kedas impresta osan husi Banku ida husi Xina ho montante Millaun 50, hodi halo drainazen sira, maibe Tribunal de Kontas la fo izin (bistu) too agora.

Lia hirak nee hatoo husi Eis PM Xanana ba STL, wainhira hamos hela drainazen, iha Komoro Kampu Baru, Dili, Sesta (23/12/2016).

Hau lisensa, Hau Mai Serbisu tamba Tribunal de Kontas la fo izin ba kontratu ida ho Xina atu impresta osan ho montante millaun 50 atu hadia drainazen, tanba nee Tribunal de Kontas hatene Tuur deit, iha sira nia kantor maka hasai desizaun arbiru, nee mak hau mai serbisu,” hateten Xanana.

Iha semana kotuk liu ba Primeiru Ministru Rui Maria de Araujo mos halo inspesaun urjentimente ba Airo Portu, tanba impaktu husi inundasaun neebe mosu iha dia 14 de Dezembru 2016, fo impaktu boot ba pasazeirus avaun sira hodi ba sae aviaun.

Neduni Primeiru Ministru mos kestiona konba orsamentu neebe Governu TL impresta husi Banku ida iha Xina, hodi halo drainazensira iha Airoportu Rotunda inklui drainazen sira iha Dili laran, maibe orsamentu nee, too agora ema seidauk fo, tanba Tribunal de Kontas la vistu.

Iha fatin hanesan Ministru Obras Publiku Gastao Sousa hateten hahu agora ba oin tenke halo limpeza ba drainazen sira neebe intupidu, liu-liu iha Airo Portu nia laran, nune mos iha area husi INAP nia, MAP nia oin no ba too iha Rotunda Comoro, para bee nee sulin tuir nia dalan, para la bele hamosu inundasaun. Informasaun kompletu iha STL Jornal no STL Web, edisaun Sabado (24/12/2016). Joao Anibal, Joao Fatima, Natalino Belo

Suara Timor Lorosae