Governu Fo Projetu Ba Emprezariu Internasional

DILI - Projetu boot neebe maka implementa iha rai laran, Govermu fo ba emprezariu Internasional, tanba emprezariu Internasional sira iha kapasidade finanseiru.

Prezidente Komisaun E (PN), neebe trata asuntu Infraestrutura deputadu Pedro da Costa hateten, Governu fo projetu boot ba emprezariu Internasional  liu husi kongkursu para a hetan obra ida neebe ho kualidade, tanba povu sira nee sempre kestiona maka obra kualidade.

Obra kualidade nee se ita lafo ba ema neebe iha kapasidade, iha teknik injireniu neebe diak planu neebe diak, ita labele hetan obra neebe kualidade neebe ita fo oportunidade ba emprezariu internasional sira tanba sira iha kapasidade finanseiru ,” dehan deputadu ba STL, iha PN, Dili, Sesta (23/12/2016).

Nia dehan, obra neebe emprezariu nasional sira halo aat fila fali nee, tanba planu no injineiru sira laduk iha kualiade halo obra neebe diak. Hare exemplu ida husi projetu sira lao iha ZEESM neeba nee  lahetan keuntungan, maibe hakarak deit obra neebe ke iha kualidade deit.

Iha fatin hanesan membru PN husi bankada Frente Mudansa, Jorge da Conceicao Teme hateten, TL nakloke ba kompania estrajeiru, tanba entermus kapasidade teknika, kapasidade finanseira tenke aseita Timor nee iha prosesu atu hadia nia aan neneik. Informasaun kompletu iha STL Jornal no STL Web, edisaun Sabado (24/12/2016). Carme Ximenes

Suara Timor Lorosae