Joven Tenke Hadok Aan Husi Trafiku Umanu

DILI – Consellu Nasional Joventude Timor Leste (CNJTL), hatoo mensajen ba joventude sira hodi bele hadook aan husi kazu trafiku umanu, neebe mak too agora sei kontinua mosu iha Timor Leste (TL).

Kestaun nee fo sai husi Prezidenet CNJTL, Maria Dadiva hatete, lei iha tiha ona konaba kazu trafiku umanu, tanba Konsellu Ministru mos aprova tiha ona lei ida nee, oinsa mak joven sira bele hadook aan husi kazu trafiku umanu neebe mak too agora sei kontinua mosu iha rai laran.

Ita iha ona lei ida, tanba konsellu ministru aprova tiha ona lei konaba trafiku umanu ninia, dala ida tan kazu trafiku umanu ita konsidera hanesan krime organizadu ida katak, krime ida neebe mais orientadu, hau nia mensajen ba ita nia joven sira mak nee, diak liu esforsu aan estuda, no labele involve aan iha kazu refere,” dehan Maria ba STL iha edifisiu Farol, Dili, Segunda foin lalais nee.

Iha fatin hanesan Olinda Marques hanesan reprejentante husi organizasaun feto hatete, lei ba kazu trafiku umanu nee aprova ona iha KM, tanba nee, husu ba ema ida-idak nia konsiensia hodi bele evita kazu trafiku uma neebe mak too agora sei mosu iha rai laran, tanba dala barak ema balun gosta tenta halo trafiku umanu. Informasaun kompletu iha STL Jornal no STL Web, edisaun Sesta (20/1/2017). Jacinta Sequeira/Guilhermina Franco

Suara Timor Lorosae