Troka Prezidente TR Kabe Ba PR

DILI – Kondisaun saude Prezidente Tribunak Rekursu (TR) la permite no sente kasian, tamba maske moras maibe kontinua nafatin ninia serbisu. Tamba nee, atu troka ka la troka depende ka kabe ba Prezidente Republika TMR.

Deklarasaun nee fo sai husi Prezidente AMJTL Antoninho Goncalves, iha TDD, Mandarin, Kinta, (19/01/2016).

Kona ba kondisaun Prezidente Tribunal Rekursu, Prezidente Republika hatene didiak ninia kondisaun. No konselu mos uluk informa tiha ona tamba tuir artigu 124 numeru 3 Prezidente Republika mak foti Prezidente Tribunal Rekursu no primeiru tenke hare ninia mandatu husi fulan Abril 2013 too remata no Prezidente Republika bele foti seluk no bele prolonga.

Hau hare Prezidente Tribunal dader mai serbisu no lokraik mak la tama tamba kondisaun saude la permite tamba nee kabe ba Prezidente Republika,” dehan Prezidente AMJTL.

Ho kondisaun nee, AMJTL husu se karik Prezidente Republika hare kondisaun saude Prezidente Tribunal Rekursu la permite ona atu halao serbisu ida nee. Prezidente mos sei foti ema neebe mak sai lalenok ba tribunal atu halao serbisu tribunal nian laos tau ema arbiru deit hodi halo sabraut deit.

Iha fatin ketak, tuir funsionariu neebe mak lakohi temi naran katak Prezidente Tribunal Rekursu kontinua nafatin ninia serbisu hanesan bain bain maske ho kondisaun saude la permite. Tamba nee, Prezidente Tribunal Rekursu kontinua tama serbisu dader deit no lokraik la tama serbisu tamba deskansa ba loron tuir fali mai. Informasaun kompletu iha STL Jornal no STL Web, edisaun Sabado (21/1/2017). Domingos Piedade Freitas

Suara Timor Lorosae