Evita Kazu Abandona Familia Tenke Rona Malu

DILI - Relasiona ho kazu abandona neebe mak too agora sei mosu iha familia ida, tanba nee, bainhira laen abandona ona fen no oan, nee hanesan estraga ona oan sira nian future baa ban bain rua ninia.

Kestaun nee fo sai husi Rosalina de Deus hanesan membru sosiedade civil, hatete dala barak ona kazu abandona sempre mosu iha familia ida nia laran, dala ruma mos afeita ba iha facebook, tanba nee, bainhira uza sasan eletronika sira nee presiza hatene aan no tenke kontrola aan, hodi bele evita kazu sira hanesan nee.

Durante nee fokupers mos sempre halo atendementu ba kazu sira hanesan nee, atu nunee bele halo atendementu ba vitima sira neebe mak hetan abandona sira nia sira nia laen, ba kaben fali feto seluk, ida nee hanesan hatudu ezemplu ida neebe mak ladiak ba ita nia oan, no ita estraga mos ita nia oan sira nia future, tanba ita inan aman nee kompletu mak ita eduka oan sira ba eskola,” dehan Rosalina ba STL iha edifisiu Fokupers Farol, Segunda foin lalais nee.

Iha parte seluk madre Eufrazia Araujo Fdcc hatete, husi igreja nian parte katak, feto neebe mak abandona husi sira nia laen nee hanesan buat ida neebe mak ladun diak, tanba halo terus tebes-tebes, liu-liu inan ida neebe mak hetan abandona husi sira nia laen rasik, tanba nee, igreja la permiti katak, nudar mane tenke rona sira nia kaben.

Iha parte seluk Madre Isabel Francisca de Deus, Fdcc hatete, bainhira laen abandona ona fen, inklui mos abandona sira nian oan. Tanba nee, bele kauza mos oan sira nia futuru, tanba laiha inan aman neebe mak kompletu atu bele kontrola oan sira nee. Informasaun kompletu iha STL Jornal no STL Web, edisaun Sesta (20/1/2017). Jacinta Sequeira/Guilhermina Franco

Suara Timor Lorosae