terça-feira, 28 de março de 2017

Kompradór kapitál Oi iha Timor Telecom ezije repozisaun ba situasaun empreza

PARTILHAR
Emprezáriu Abílio Araújo, ne’ebé interese ba kapitál Oi iha  Timor Telecom hatete iha ohin katak  ezije repozisaun situasaun empreza nian, inklui nível rekursu umanu, ne’ebé iha bainhira oferta ne’e autorizadu  ona hosi  justisa brazileira.

Abílio Araújo, responsável grupu Investel, konsidera katak reestruturasaun ne’ebé foin lalais ne’e hala’o  iha Timor Telecom, inklui redusaun ba kuadru diretivu, halo TT "  lakon  pozisaun iha merkadu" Timor-Leste.

"Kuadru sira agora lakorresponde ba situasaun empreza bainhira halo avaliasaun ba Timor Telecom, iha  outubru tinan kotuk, prosesu submisaun ba proposta akizisaun partisipasaun oioin OI nian", haktuir ba Lusa.

"Tanba ne’e ha’u husu ba Oi halo repozisaun ba kuadru ne’ebé uluk eziste ", refere nia.

Hafoin fulan barak hein  juiz hosi tribunal 7.ª Vara Empresarial da Comarca da Capital do Estado do Rio Janeiro autoriza ona iha loron 11  fulan- marsu pedidu hosi  Oi atu faan ninia  partisipasaun iha Timor Telecom.

Maski ho autorizasaun ne’e juiz determina katak tenki hala’o fila fali  avaliasaun foun ida hodi  asegura atu  valór ne’ebé oferese hosi ativu bele  loos, no nomea Rio Branco Consultores atu  konduz  prosesu ne’e.

Oi hakarak faan ninia partisipasaun iha TT ba grupu Investel Communications Limited, ne’ebé lidera hosi Abílio Araújo, ho dólar millaun 62 ( euro millaun 58,3).

Oferta grupu Investel ne’e konsiste ho parsela rua, ida ho dólar millaun 36 ba ativu no seluk ho  26% refere ba empréstimu kontraídu hosi  Timor Telecom hamutuk  ho  Oi S.A. (dólar amerikanu millaun haat) no PTIF ( millaun 22).

Bainhira venda  ne’e konkretiza ho valór  ne’e pertense ba justisa, ikus mai, deside destinu rekursu ne’ebé hetan, bazeia ba pareser administradór judisiál no Ministériu Públiku brazileiru, tuir  sentensa kona-ba  autorizasaun nian.

Abílio Araújo esplika ba Lusa katak atrazu hosi faan ne’e maka “kontinua estraga/hamonu empreza refere”, tanba ne’e maka nia rasik mos tenke buka operadór telekomunikasaun seluk iha Timor-Leste tanba de’it problema ho rede TT nian.

“Iha problema balun ne’ebé inklui mos hamenus kuadru ka rekursu umanu nomós problema seluk. Ami halo avaliasaun ba empreza ne’e, hosi kondisaun balun, liu hosi rekursu oioin no fó sai bainhira halo mudansa”, nia dehan.

"Ema ida labele halo oferta hodi sosa fehuk-ropa 100 iha saku ida nia laran no ikus mai iha de’it 80”, nia hatutan, ho nune’e maka esplika katak, nia ezizi ona ba Oi kona-ba repozisaun hodi kuadru no aspetu seluk ne’ebé halo parte ba empreza iha tempu oferta nian.

Araújo esplika katak situasaun iha empreza kontinua tuun/piór no tuir informasaun foun, hanesan ezemplu “fatin para kareta de’it mos iha problema” no tékniku sira, dalabarak uza fali sira-ninia kareta rasik hodi bá halo reparasaun.

"Oi dehan ba ha’u katak avialiasaun ne’ebé juis husu labele kleur. Maibé karik sira latroka Timor Telecom hanesan ne’e, maka ami mos tenke avalia hikas ami-ninia oferta", nia esplika.

Fatia bot hosi kapitál Timor Telecom (54,01%), controla hosi sosiedade Telecomunicações Públicas de Timor (TPT), ne’ebé mos kapitál 76% kontrola hosi Oi, no ida ne’e siknifika hetan partisipasaun direta hosi PT Participações SGPS ho 3,05%.

Asionista TPT rasik maka hanesan Fundação Harii - Sosiedade ba Dezenvolvimentu Timor-Leste (iha ligasaun ho dioseze Baucau), ne’ebé kontrola 18%, no Fundação Oriente (6%).

Iha TT, kapitál fahe entre TPT (54,01%), Estadu Timór (20,59%), empreza ho sede iha Makau VDT Operator Holdings (17,86%) no ho emprez’ariu timor-oan Júlio Alfaro (4,49%).

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: