domingo, 23 de abril de 2017

Data Eleisaun Lejislatura Adia ba 15 Jullu

PARTILHAR
DILI: Data eleisaun lejislatura nian ne’ebe Governu dekreta ona ba loron 8 fulanJullu, sei adia fali ba loron 15 ka 22 Jullu, tanba prezidente republika seidauk promulga lei eleitoral inklui dala eleisaun nian.

Primeiru Ministru (PM), Rui Maria de Araujo hateten, normalmente tomada de pose membru governu nian halo iha 8 Agostu, maibe tanba loron eleisaun muda entaun planu barak sei iha mudansa.

“Sei muda ba dia 15 ka 22 sei iha fulan­Jullu nafatin, siginfika ita adianta tan ba semana rua ba oin”, dehan nia, iha Palasiu Prezidente Nicolau Lobato Aitarak Laran­Dili, horisehik.

 Data 8 Jullu ne’ebe Governu propoin uluk labele ona, tanba la kumpre ona 80 dias. Maibe iha fulan ­ Jullu ne’e sei iha fim de semana tolu ka haat tantu iha 8, 15, 22 ka 29. Nune’e, Prezidente Republika hein hela resposta husi Tribunal Rekursu.

Prezidente mós informa ba Governu atu foti desizaun para marka duni loron eleisaun lejizlativu nian ba fulan­Jullu nia laran.

Nia dehan ideal liu ne’e mak iha dia 8 Jullu, tanba depois rezultadu eleisaun parlamentar, partidu sira ne’ebe mais votadu ka koligasaun iha Parlamentu Nasional hamutuk ho Prezidente Republika, iha fulan ida atu forma Governu foun.

Humberto dos Santos | Independente
PARTILHAR

Author: verified_user

Publicação luso-timorense sem fins lucrativos

0 comentários: