sexta-feira, 21 de abril de 2017

Deklara Riku Soin Hatudu Transparansia

DILI – Sidadaun neebe deit mak asumi kargu publiku iha rai ida nee, liliu ukun nain sira deklara sira nia riku soin, dala ida atu hatudu transparansia ho ukun moos.

Tuir Peskizador Lao Hamutuk (LH), Juvinal Dias hatete katak, ukun nain sira neebe deit mak asumi kargu publiku presiza deklara riku soin nee hatudu transparansia ukun.

Deklara siku soin ka asset nee, dalan ida atu bele hatudu trasparansia,” dehan Peskizador LH, Juvinal ba jornalista sira iha edifisiu CNE, hafoin remata serimonia lansamentu relatoriu PDHJ nian, Caicoli-Dili, Kinta (20/04/2017).

Juvinal argumenta, ukun nain ida tenke trasparante, tenke akuntavel no tenke progresivu ideal katak nia ukun deklara riku soin hotu katak nia sei lanauk maibe, lahalo buat ida ba povu nee mos hanesan deit.

Iha fatin hanesan, Ministru Administrasaun Estatal (MAE), Dionisio Babo dehan, antes sira ba asumi kargu publiku deklarasaun tiha ona riku soin ka asset ba iha tribunal rekursu.

Dionisio salenta, depois mandatu hotu ona, klaru katak membru governu sira tenke deklara mos sira nia asset hodi bele hatete konaba osan neebe mak sira hetan nee liu husi vialegal laos via illegal. Raimundo S. Fraga

Suara Timor Lorosae

Sem comentários: