quinta-feira, 13 de abril de 2017

PM timoroan: Akordu sira iha petróleu hanesan hakat importante ba dezenvolvimentu

Gabinete primeiru-ministru Timor-Leste nian hatete, iha loron-kuarta ne'e, katak asinatura hosi kontratu rua ba produsaun petróleu nian ho empreza australianu ida reprezenta "hakat importante ida ba dezenvolvimentu" ekonómiku nasaun nian. 

"Hanesan importante dezenvolvimentu kontínua hosi ami nia área petróleu ho gás, parte ida dezenvolvimentu ekonómiku hosi nasaun nian", hatete hosi porta-vós Governu timoroan nian, ministru Agio Pereira, iha komunikadu ne'ebé fó sai iha loron-kuarta.

"Atividade sira propesaun nian ne'ebé sei akontese iha tinan hirak tuirmai iha apoiu hosi Governu no ami kontinua apoia dezenvolvimentu hosi área, hodi aumenta partisipasaun hosi sidadaun timoroan nian, ho kompromisu ida hosi transparénsia iha nível reseita sira nian, formasaun hosi ami nia rekursu humanu no kontrusaun no manutensaun hosi infraestrutura sira", hatutan hosi responsável.

Kontratu rua ne'ebé asina iha semana liubá inklui área ida besik rihun rua kilómetru kuadradu no inklui obrigasaun mínimu sira serbisu nian iha tinan tolu oinmai, inklui halo rekolla sísmiku 2D, estudu sira hosi impaktu ambiental no perfurasaun hosi peskiza, administra hosi TIMOR GAP Onshore Block, subsidiáriu ida hosi empreza públiku petrolíferu Timor-Leste (TIMOR GAP) nian, no ba Timor Resources Pty Ltd, empreza australianu ida ne'ebé halo parte hosi Nepean Group.

SAPO TL ho Lusa

Sem comentários: