sexta-feira, 14 de abril de 2017

Haksesuk Projetu, Povu Viqueque Terus Ba Estrada

PARTILHAR
VIQUEQUE – Tanba Osan Kompania lokal Viqueque Oan sira, haksesuk malu projetu, hodi impede estrada liga Munisipiu Baucau, Viqueque, too postu Administrativu Uato-Lari no Uato-Carabau too agora kondisaun grave difikulta povu sira nia atividade.

Lia hirak nee hatoo husi Xefi Joventude Uato-Lari Ananias de Carvalho, ba STL iha Viqueque Vila, Segunda (10/04/2017).

Ami nia estrada liga Viqueque Vila ba too iha Postu Administrativu Uato-Lari no Uato-Carabau agora grave, tuir informasaun neebe ami rona katak governu iha interese atu atu hadia, maibe ami nia kompania lokal husi Viqueque oan sira maka impede, hakarak sira maka halo, too agora husik hela deit,” hateten Ananias.

Nia dehan kompania lokal maka kaer, ohin halo aban aat fali, governu estraga osan, tanba nee governu tenke fo medidas rigorozu para bele hadia, se lae ema Viqueque oan sira impede hela deit.

Iha parte seluk Lorença de Almeida nudar pasajerus hateten estrada liga Viqueque vila ba too iha Uato-Carabau nee laos foin maka aat, maibe aat nanis iha primeiru governu nia tempu. Joao Anibal

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: