quinta-feira, 13 de abril de 2017

Governu Laseriu Kontrola Eletrisidade

PARTILHAR
DILI – Eletrisidade neebe ikus- ikus nee mate lakan iha sidade Dili laran, sai mos perkupasaun ba Reprezentante povu nian iha uma fukun Parlamentu Nasional, tanba nee husu Governu atu seriu halo kontrola ho Masimu.

Tuir Reprezentante povu  iha uma fukun Parlamentu Nasional,  Prezidente komisaun D Pedro da Costa, katak ahi Eletrisidade ikus- ikus nee komesa mate lakan halo ema hotu lamenta tebes, maibe atu dehan deit katak ahi mate lakan tanba Rede distribuisaun too iha komunidade sira nee maka la sufisiente, no transformador sira neebe maka iha nee mos laiha iha kualidade.

Hau hanoin ahi mate lakan nee tanba Korente neebe ita uja  la serve ona atu uja tan, tanba nee husu ba  governu atu tau iha konsideirasaun tanba, ekipamentu neebe ita uja nee balun komesa la funsiona ho diak,”dehan Deputadu Pedro da Costa ba STL Tersa (11/04/2017)iha nia knaar fatin PN.

Iha fatin hanesan Deputadu Joao Adriano mos hatutan katak, Ahi mate lakan laos akontese iha Dili laran deit, maibe iha Maliana mos ahi eletrisidade nee mate lakan hela deit, no la hatene tanba saida maka akontese bebeik hanesan nee.

Nunee mos Deputadu Manuel de Castro hatutan katak, eletrisidade sai perkupasaun boot ba ema hotu, tanba nee hanesan reprezentante povu iha uma fukun ida nee nafatin hatoo, povu nia terus ho susar atu nunee governu bele tau matan netik. Madalena Horta

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: