Senador
norte-amerikanu Jack Reed afirma ona ba Lusa katak Timor-Leste sei iha
"futuru pasífiku ida no prósperu", felisita serbisu ne'ebé halo hosi
elite timoroan sira iha kontrusaun nasaun nian.
Iha
deklarasaun sira ba Lusa, demokrata Jack Reed, ne'ebé semana hirak liubá simu
ona Medalla Ordem de Timor-Leste - kondekorasaun aas ne'ebé maka ema
estranjeiru ida bele simu hosi nasaun ne'e - hodi rekoñese nia kontribuisaun ba
kauza independénsia nian, afirma ona katak, iha tinan 1990, simu ona alerta ba
problema sira kona-ba direitu ema sira nian iha nasaun hosi komunidade
portugeza iha nia estadu, Rhode Island.
"Iha
tempu ne'ebá, hanesan kongresista mo grupu ida hosi luzu-amerikanu sira,
sidadaun preokupadu sira, hamutuk ho alunu no profesor sira hosi Universidade
Brown hodi fó sai kestaun kona-ba violasaun sira direitu ema nian iha
Timor-Leste no hosi nia movimentu independentista nian", nia hanoin hikas.
Iha
loron-sábadu, liutiha tinan 20 hafoin sai hanesan advogadu ida koñesidu tanba
situasuan timoroan nian iha polítika norte-amerikanu, Jack Reed hanesan otimista:
"Ha'u iha fiar katak Timor sei harii nafatin futuru pasífiku ida no
prósperu".
No
hatudu sensibilizadu ho homenajen hosi governu timoroan: "Hanesan onra ida
aleinde hosi ha'u nia komprensaun".
Iha
tinan 1990, bainhira hatete situasaun hosi nasaun, Reed hahú defende kauza
independénsia iha Kámara Reprezentante sira nian; liutiha tempu balun, vizita
ona nasaun hodi hetan liután informasaun, viajen ida ne'ebé nia halo beibeik
iha tinan barak nia laran.
"Bainhira
ha'u to'o iha ne'ebá, ha'u hetan ema barak ne'ebé komprometidu ho independénsia
hosi nia nasaun. Hanesan komovente asisti ema sira ne'e nia aten-barani ne'ebé
hakarak luta ba nia liberdade no kompromete hodi halo sai hanesan nasaun ida
demokrasia independente nian", nia afirma.
Iha
viajen hanesan, Reed koñese ona Xanana Gusmão, líder hosi luta ba independénsia
no figura polítika fundamental hosi istória timoroan nian iha tinan hirak ikus
ne'e.
"Ha'u
konsege hanoin, hafoin liutiha tinan barak, momentu ne'ebé maka ami koñese
malu. Ha'u senti impresionadu ho nia korajen ho lideransa. Durante ha'u nia
vizita sira ba nasaun, ha'u sempre inspiradu ho nia kompromisu hodi harii
demokrasia ida. Hanesan buat ne'ebé toka ona ha'u no sei toka nafatin",
Reed hanoin hikas kona-ba Xanana Gusmão.
Ordem
de Timor antes ne'e fó ona ba kongresista demokrata Nancy Pelosi, hosi
Califórnia, no ba jeneral John G. Castellaw, ne'ebé komanda ona forsa
internasional iha Timor-Leste iha tinan 1999.
SAPO
TL ho Lusa | Foto@ Michael Reynolds/EPA
Sem comentários:
Enviar um comentário