sábado, 13 de maio de 2017

ME Rekoinese Distribuisaun Fos Merenda Eskolar Laiha Kualidade

PARTILHAR
DILI – Ministeriu Edukasaun (ME), liu husi edukasaun Munisipiu Dili, rekoinese iha semana ida liu ba, Ministeriu Comersiu Industri no Ambiente (MCIA), halo distribuisaun fos neebe mak iha armajen Tibar, konsege distribui ba EBC 30 de Agostu, maibe realidade fos sira nee laiha kualidade neebe mak diak.

Preokupasaun nee hatoo husi Diretor Edukasaun Munisipiu Dili, Duarte Braganca hatete, iha semana ida liu ba MCIA neebe mak tau fos iha armajen Tibar konsege distribui ona ba iha EBC 30 de Agostu.

Ami haree katak, kualidade husi fos nee rasik ladun diak, tanba nee, iha momentu nee ba hau  hapara kedas nia distribuisaun, tanba sira tenke ba troka fos nee, tanba fos nee rasik laiha kualidade, too ohin loron hau hein distribuisaun fos foun ba ona iha eskola, hanesan direitor  edukasaun Munisipiu hau hein implementa deit, no hau hein fos foun,  tanba fos nee rasik ninia kualidade nee ladiak, tanba ita tenke konsumu fos neebe mak kualidade diak, tanba ema mak atu han fos nee,” dehan Duarte ba jornalista hafoin partisipa iha seremonia inagurasaun biblioteka EBC 10 de Dezembru Comoro, Dili, Sesta (12/05/2017).

Nia hatete, fos kuaze la diak, fos nee sosa ho osan governu ninia, tanba nee, sosa fos tenke iha kualidade neebe mak diak, laos sosa fos estraga deit governu nia osan, fos sira nee hetan distribuisaun husi MCIA liu husi armajen Tibar.

Nunee mos Direitor EBC 10 de Dezembru Comoro, Calistro Guterres hatete, too ohin loron ME  seidauk halo distribuisaun fos ba ensinu baziku, karik iha eskola seluk hetan ona, iha eskola 10  de Dezembru orsamentu. Jacinta Sequeira

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: