quinta-feira, 15 de junho de 2017

AL Kampung Alor Seidauk Simu, Informasaun Idozu

PARTILHAR
Dili - Lider Komunitariu Suku Kampung Alor, Postu Administrativu Don Aleixo, Munisipiu Dili too agora seidauk simu informasaun kona-ba data pagamentu ba idozu Kampung Alor, maske idozu sira iha fatin balun simu ona.

Tuir Xefe Suku Kampung Alor, Cristina Carvalhu dos Santos katak, too agora nia seidauk simu informasaun husi Adminstrador Postu Don Aleixo kona-ba data pagamentu osan sub-sidiu ba idozu.
Karik nia simu informasaun sei fo avizu ba idozu sira, atu nunee prepara-an ba simu sira nian direitu.

Agora atu haruka sira ba simu iha Banku BNCTL maibe ema katuas-ferik sira neebe ho idade neebe lao mos ladiak ona, oinsa sira bele ba simu.

Hau hanoin katak sebele governu halo transferensia ida ba iha ami nia suku para bele fasil tanba ema sira simu nee laos ema foin sae hanesan ita sira ho idade foin sae,”dehan Cristina ba STL iha Sede Suku Kampung Alor, Tersa (13/6/2017).

Tuir Cristina, sekarik haruka ema sira nee ba forma iha banku neba mak osan seidauk simu, ema sira nee balu monu oinsa. Tanba nee nia hanoin maske iha suku balu idozu sira simu ona sira nia osan terseridade maibe ida nee rona informasaun.


Nunee mos Xefe Suku Motael, Apolinariu da Conceicão hateten, husi Suku Motel sira simu ona orariu  kona-ba idozu sira neebe atu simu sira nia deireitu hanesan tersera idade sei ba simu iha banku BNCTL Mandarin.

Idozu sira neebe naran iha lista hamutuk 204 pessoas, husi 204 pessoas nee sei simu iha loron Sabadu (17/6/2017). Ba idozu sira neebe lao ladiak hakarak ou lakoi ba iha Banku tanba ida nee programa governu nian.

Xefe Suku Vila-Verde Abduk Mancoli Arranhado hateten, nia simu ona orario iha Segunda  nee. Katak ba suku Vila-Verde idozu sira sei simu sira nia osan terseriaedade iha Sesta, (16/6/2017) iha Banku Nasional Komersiu Timor-Leste (BNCTL) Caicoli Obrugadu Barak.

Tanba nee agora dadaun sira halo  ona avuza ba  komunidade sira liu-liu idozu  liu husi  xefe aldea atu fo hatene ba idozu hakbesik-an ba BNCTL atu simu sira nia direitu.

Tuir xefe suku total defisiente ho idozu iha Suku Vila-Verde hamutuk 470. Seluk neebe  ninia kondisaun lapermiti lao ladiak komforme sira hatoo ba xefe suku sira bele halo deklarasaun   para ema halo prokurasaun ba ema neebe  atu delega hodi simu sira nia osan iha banku BNCTL. EST6

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: