Kulu-Hun Reliza Jogu Amizade

DILI - Ates atu tama ba Eleisaun Parlamentar (Elpar), Lider Komunitariu (LK) Suku Kuluhun, Postu Administrativu Criztu-Rei realiza  jogu amizade entre Aldeia, jogu neebe  realiza iha Suku Kulu-Hun hanesan Footsal, Follybal, Dada Tali, halai taru karun.

Haktuir Deus Dado Martins nuudar Xefe Suku Kulu-Hun ba STL Tersa (13/6/2017) iha Sede Suku Kulu-Hun.

Suku Kulu-Hun servisu hamutuk ho CCD realiza jogu amizade entere aldeia atu nunee bele hamate konflito iha suku laran. Deus Dado hatutan orsamentu neebe aloka husi CCD ba Suku Kulu-Hun atu kria jogu nee hamutuk U$ 3.035 Dolar Amerikanu.

Jogu Footsal, inklui feto-mane, Folly-Ball tenki mane tolu no feto tolu tenki uza lipa, dada tali mos hanesan feto tolu no mane tolu, halai taru karun ba labarik sira neebe idade husi tinan 10 too 12.

Nian hatutan programa sira nee mai husi CCD nian planu, wainhira jogu uza lipa ida nee mos husi CCD nia programa.  Bazeia ba sira nian mata dalan, neebe fo ba Suku Kulu-Hun.

Ema neebe tama iha jogu nee ba ema sira neebe nunka halimar bola, husi aktividade hirak nee seguransa mai husi aldeia hitu, nomos komunidade suku-laran,”katak nia.

Antes nee aktividade hirak nee, husu ba komunidade no joventude sira iha Suku Kulu-Hun katak ita hotu fo liman ba malu. Oinsa halo seguransa iha ita nian suku laran bele hakmatek, labele kria konflito. Jogu neebe sei realiza iha semana ida nee nia laran hodi hein festa demokrasia neebe sei mai dadaun.

Iha fatin hanesan Gina M. de Jesus Fatima nuudar Xefe Aldeia Soru Mutu Badadame dehan, iha sira nian suku no aldeia sei prepara seguransa iha suku laran atu nunee wainhira halao jogu amizade ho hakmatek.

Hau hakarak hatoo hau nian lia menon ba hau nian inan-aman sira nomos ba komunidade sira iha Suku Kulu-Hun, mai ita hotu hakmatek hodi halao ita nian aktividade nee lao ho hakmatek, tanba seguransa iha ita nian liman rasik,” katak nian.

Iha sorin seluk Dino Mario Dorego G. nuudar Xefe Aldeia Loe Lacu hateten, besik Eleisaun Parlamentar Suku Kulu-Hun servisu hamutuk ho komunidade sira nomos ba polisia prepara jogu amizade. Jogu ida nee atu komemora loron eleisaun parlamentar atu nunee oinsa komunidade sira mos bele hakmatek hodi tuir votasaun iha sentru votasaun.

Nee duni, husu ba maluk sira hotu katak besik ona Eleisaun Parlamentar tanba nee husu ba maluk sira hotu katak mai ita hotu hakmatek. Hodi kria unidade iha suku laran. Maske ita iha partido ketak-ketak maibe ita fo liman ba malu nafatin hodi lori ita nia suku ba oin ho dame no paz. *Est5

Suara Timor Lorosae