Feto Potensial 66 Sei Partisipa Iha Formasaun

DILI - Iha fulan Junhu nia laran, fundasaun caucus sei fo formasaun ba feto potensial neebe mak mai husi partidus politikus hamutuk 66.

Tuir Direitora Ezekutiva fundasaun Caucus, Paula Araujo Corte Real, hatete, hanesan papel husi fundasaun caucus no patria nian neebe haree partisipasaun feto iha politika, maske patria haree liu asuntu desentralizasaun nian, caucus ninia mak oinsa atu kapasita  feto sira  atu bele priense iha pozisaun  estrutura politika  no  foti desizaun.

Hanesan papel husi fundasaun caucus no patria nian neebe haree partisipasaun feto iha politika, maske patria haree liu asuntu desentralizasaun nian, caucus ninia mak oinsa atu kapasita feto sira atu bele priense iha pozisaun estrutura politika foti desizaun, entaun konaba iha parlamentu nian, fundasaun caucus iha tinan kotuk halao ona formasaun ba feto potensial sira husi partidus politikus,” dehan Paula ba STL iha uma fukun PN Dili Tersa (13/06/2017).

Nia hatete, iha tinan ida nee sei iha fulan Junhu nian laran fundasaun caucus sei halo nafatin formasaun oin rua ba iha partidus politikus sira, liu-liu feto potensial sira, maibe haree liu ba sira neebe mak naran tama iha lista kandidatura ninia, entaun oinsa mak atu bele kapasita sira, nomos sira bele iha koinesementu diak liu tan konaba funsaun no knar parlamentu ninia.

Nia hatete, iha lista kandidatura ho pozisaun neebe mak partidus politika sira fo feto sira iha nee ba, tanba iha partidus balun koloka feto, tanba feto balun iha numeru neebe mak besik malu, maibe iha balun mos feto iha numeru neebe mak ikus, atu tuir formasaun nee kada partidu ida feto nain rua, entaun total partisipantes husi partidus politikus hotu mak sesenta seis feto potensial. Jacinta Sequeira/Guilhermina Franco

Suara Timor Lorosae