HNGV Selebra Loron Mundial Doasaun Ran

DILI - Banco de Sangue Hospital Nasional Guido Valadares (HNGV) Selebra loron mundila doasaun ran tanba liu husi aktividade doasaun ran bele salva ema nia vida.

Tuir Director Apoiu Diagnostika no Terapeutika Hospital Nasional Guido Valadares, Nivio da Costa Sarmento hatete, tinan-tinan HNGV sempre komemora loron doasaun ran neebe loke ba publiku tomak inklui doadores sira atu nunee bele fo ran ba HNGV hodi bele tulun fali ema seluk.

Tinan-tinan ami sempre selebra loron mundial doasaun ran. Ami sempre bolu ba duadores sira atu mai fo ran ba ita nia pasinete sira neebe baixa ou neebe mos atu baixa, nunee sira bele hetan asistensia liu-liu husi ran neebe ita fo,” hateten Nivio ba Jornalista sira iha Banco de Sangue HNGV Kurta (14/06/2017).

Nia sublina tan katak kriteria ba doadores sira neebe atu fo ran mak hanesan kondisaun saude diak, idade minimu 18-16, todan minimu 45,no tensaun labele as.

Selesaun hotu tiha maka ita sei hasai sira nia ran, normalmente iha duzentus sinquenta mil litrus ate trezentus siquenta mili litus, ita foti ran sira nee depois ita tau iha pakote,i depois maka ita halo eskrinig ba moras tipu hat, moras hepatitis B no Sifilis,nomos Hiv-Sida, wainhira ita hare naran nee mos entaun ita fo ba ita nia pasiente neeebe persiza” hateten Nivio.

Iha fatin hanesan Helena Map Lani nudar Kristaun informa katak kontente tebes halo duasaun ran,tanba ho inasitiva azuda ema neebe presiza ran,tanba imazen too waihira ema baixa iha HNGV presiza ran duni,maibe halai tun sae la hetan ran.

Maromak fo ran ba ita atu ita bele uza azuda ema seluk, tanba Maoromak uza ona nia ran hamos ita nia sala hodi salava ona ita, tansa ran truk ida deit ita labele azuda ita nia maluk sira neebe presiza,”dehan Helena Map Lani.

Nunee mos joventude, Ermino da Cruz Amaral mos hatete, hanesan humanu iha konsensia atu fo ran ba ema esluk neebe persija tebes hodi salva sira nia vida.

“Hau sente kontente tebes ajuda ita nia maluk Timor oan sira neebe agora presiza ran, tanba ita nia ran truk ida nee nia falor liu fali sasan mundu nia, husu ba maluk sira neebe seidauk halo duasaun ran, mai ita azuda malu hodi fo ran,” dehan Ermino. Jeniche da Costa 

Suara Timor Lorosae