segunda-feira, 12 de junho de 2017

CNRT Mak Bele Dezenvolve TL, Militante Fretilin-FM 240 Afilia

PARTILHAR
DILI – Partidu Congreso Nacional Reconstrução Timorense (CNRT) simu tan afiliasaun husi partidu Fretilin no mos Frente-Mudansa 240, hamutuk CNRT dezenvolve Timor Leste.

Iha biban nee mos estrutura Organizasaun Juventude Partidu (OJP), Organizasaun Mulher Partidu (OPM), Klibur Profesional (KP) husi suku Manleuana kompostu husi aldeia 10 simu tomada pose.

Tuir Prezidente Komisaun Diretiva Nasional (CDN), Dionisio Babo Soares katak, iha Timor Leste so partidu CNRT mak bele hadia povu nia moris diak liu husi dezenvolvimentu nasional.

Partidu ida nee manan laos ba kaer ukun deit, maibe hadia rai nee, hodi hadia povu nia moris, iha programa para bele dezenvolve rai ida nee,” dehan Dionisio liu husi diskursu hafoin simu afiliasaun iha Manleuana-Dili, Sesta (09/06/2017).

Dionisio haktuir, partidu CNRT eziste lao atu buka kadeira deit, maibe iha planu tanba nee mak husu ba povu hotu atu vota ba CNRT atu garante paz no estabilidade nasional.

Iha fatin hanesan, Koordenador Jeral Partidu CNRTMunisipiu Dili, Luis Caldeira esplika, hanesan estrutura munisipiu Dili hatoo paraben ba estrutura sira neebe simu pose espera katak eleisaun parlamentar mai CNRT bele manan iha suku Manleuana. Raimundo S. Fraga/Tomas Shances

Suara Timor Lorosae | Foto: Antonio Gonçalves | TATOLI
PARTILHAR

Author: verified_user

Publicação luso-timorense sem fins lucrativos

0 comentários: