terça-feira, 20 de junho de 2017

Estúdiu GMN Sai Palku Debate ParPol

Dili, (TATOLI) –  Estúdiu Grupu Mídia Nasionál (GMN) sai fatin eh palku debate ba partidu polítiku (ParPol) hamutuk 21 ne’ebé admitidu hosi tribunál rekursu.

Prezidente Consselho Imprensa (CI) , Virgilio Gurterres informa asuntu ne’e wainhira hasoru malu ho partidu polítiku sira oinsa GMN sai espasu ba sira (ParPol) hodi emite programa polítika liuhosi debate.

“Espasu Grupu Mídia Nasionál (GMN) sai meiu determinante atu partidu polítiku bele hato’o planu estratéjiku, programa, vizaun no misaun ba sidadaun hotu,” informa Prezidente CI ba Ajénsia TATOLI foin lalais ne’e iha Beach Garden.

Iha fatin hanesan, Konseleiru CI, José Ximenes iha nia intervensaun dehan programa debate partidu polítiku sei hahú iha 28-30 Juñu no kontinua to’o 3-5 Jullu.

Nia hatutan Timor-Leste eziste mídia barak maibé rekursu limitadu hodi kobre partidu hotu nia kampaña, enkuantu iha oportunidade debate ne’e bele dizemina informasaun kona-ba partidu polítiku sira nia estratejia polítika.

Partisipante ba debate polítiku ne’e sei hetan prezensa hosi reprezentante partidu polítiku sira, jornalista senior eh xefe redasaun ho objetivu atu husu pergunta ba debate ho kualidade, enkuantu estimasaun ba prezensa  debate ne’e besik ema 100.

Debate publiko iha GMNTV publiko bele asesu hosi signál UHF no iha satelite format HD.

Jornalista: Zezito Silva | Editór: Manuel Pinto

Foto: PM Rui M Araujo koalia iha lasamentu GMNTV foin lalais ne'e

Sem comentários: