DILI,
(TATOLI) – Deputadu Arão Noe hosi bankada CNRT (Congresso Nacional De
Rekonctrução De Timor-Leste) hateten, partidu CNRT sei la tolera violensia,
bainhira iha membru balun mak halo violensia iha kampaña, CNRT rasik mak sei
kopera ho polísia hodi.
“CNRT
kompromete, iha kongresu hateten klaru katak la tolera violensia, sé membru
CNRT ruma mak halo violensia iha momentu kampaña, CNRT rasik mak sei ka’er no
entrega ba polísia hodi ba prosesu, tanba CNRT anti violensia,” Arão Noe
informa ba jornalista sira ohin, iha Parlamentu Nasionál.
CNRT
husu ba militantes hotu no simpatizante sira atu hadomi pas hakribi violensia,
maibé bainhira halo violensia sei responsabiliza rasik.
“Sé
mak hakarak vota ba CNRT, vota tanba konsiensia, la’ós tanba tauk militante
CNRT sira atu baku mak vota,” Arão husu.
No
kontinua dehan, ba lider sira hotu, povu no juventude, atu hadook an hosi
violensia, bainhira ema seluk halo kampaña husik ema halo sira nia no
lalika ba atrapalla fali para kria instabilidade.
Jornalista:
Julia Chatarina | Editór: Manuel Pinto
Foto:
Prezidenti CNRT Xanana iha militante nia klaran
Sem comentários:
Enviar um comentário