quarta-feira, 7 de junho de 2017

Koloka Feto Tuir Numeru Kandidata

PARTILHAR
DILI - Partidu politiku neebe hatama lista ba Tribunal Rekursu (TR) la tuir lei eleitoral husi kandidatu tolu ida tenke feto, nee kontra.

Tuir Diretora Ezekutiva Fundasaun Caucus, Paula Arauju Corte-Real katak, partidu neebe hatama lista maibe, la prense tuir lei eletoral nee kontra. Nee TR tenke rejeita.

Hau hanoin tribunal rekursu iha poder atu rejeita. Uluk prosesu liu husi CNE, iha artigu ida atu fo rejeita ba partidu hirak neebe la implementa lei eletoral, katak husi kandidatu tolu ida tenke feto,” hateten Paula ba STL iha nia knar fatin Obrigadu Barak Segunda, (05/06/2017).

Nia hatutan, partidu neebe ejiste mesak ema Timor oan mak lidera, nunee sira mos iha hanoin hodi tau feto tuir numeru neebe iha. Sira mos komprende konaba asuntu jeneru, sira bele fo fatin ba feto atu tama iha lista neebe iha ona. Feto potensial mos barak nunee, partidu fo fiar atu sira bele tama iha lista.

Iha fatin seluk, Feto Potensial Amelia Eustakia Pires hateten, partidu neebe aprezenta lista kandidatura tau feto la tuir numeru neebe iha, karik sira seidauk tau fiar ba feto.

Se partidu la hatama feto ba iha lista kandidata, tanba sira nia fiar ba feto seidauk iha. Maibe hau hanoin agora nee, partidu neebe hatama lista, sira kumpri ona, atu tau feto tuir numeru nebe iha,” dehan Amelia.

Partidu sira komprende konaba asuntu jeneru, nunee sira mos sei tau feto tuir numeru neebe iha, hodi promove feto. Nunee feto sira neebe partidu tau fiar, tenke hatudu sira nia matenek no kapasidade, iha area politika.

Nunee partidu mos iha ona nia organizasaun ba feto, sira mos hili feto potensial hirak neebe bele kandidata. Se partidu la hili sira tanba dalaruma, sira nia kapasidade sei menus. Maibe esperansa partidu hotu hotu, sei tau feto tuir pozisaun neebe iha ona. Terezinha De Deus

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: