Rejultadu Provizoriu (tuku 10:00ort): FRETILIN 1, CNRT 2, PD 3

DILI: Rejultadu provizoriu apuramentu husi versaun STAE ba eleisaun parlamentar 2017-2022, hatudu FRETILIN sei as liu nu’udar primeira lugar, segundu mak patido CNRT, no terseiru mak Partido Democratico.

Prosesu kontazen sei la’o hela iha Munispiu balun inklui Dili. Iha loron ohin (23/7), tuku 10:00 ort kontazen atinje ona 66 pursentu liu.

Iha prosesu kontazen ne’e, partidu sira ne’ebé liu ona bareira 4 pursentu (4%), mak FRETILIN hetan votus as hamutuk 100,000.631 (30.99%), votus CNRT 88,790 (27.36%), Partido Democratico votus 31,920 (9.83%), PLP votus 29,912 (9,21%) no partido KHUNTO hetan votus 22,48 (7.03%).

Sentru votasaun hamutuk 843, estasaun de votu hamutuk 1.118 no total eleitores hamutuk 760.907.

Eleisaun parlamentar 2012, hetan votus liu bareira 3 pursentu (3%) CNRT mak manan mais votadu ho votu hamutuk 172,831 (36,66%)no deputadu na’in 30 iha Parlamentu Nasionál, Fretilin hetan votu 140,786 (29,87%) ho deputadu 25, Partidu Demokrátiku (PD) votu 48,851 (10,31%) ho deputadu 8, no Frenti-Mudansa hetan votu 14.648 (3,11%) ho deputado 2.

Husi rejultadu ne’e, partido tolu CNRT, PD, Frente Mudansa mak halo koaligasaun forma Governu no hetan maioria parlamentar.

Jose Sarito Amaral | Independente