Lugu: “Ami Prontu Simu Rezultadu Elpar”

DILI - Prezidente Jose Luis Guterres (Lugu), prontu atu simu rezultadu husi eleisaun parlamentar (elpar), tanba povu ida-idak sei vota ho konsiensia, se karik hetan konfiansa husi povu, iha posibilidade atu influensia politika governu nian.

Prezidente partidu Frenti Mudansa, (FM), Jose Luis  Guterres, vota iha sentru  votasaun iha suku Fatuhada, iha eskola baziku filial no 1, 2 Fatuhada, akompana husi Sekretariu Jeral partidu  Frenti Mudansa (FM), Ricardo Nheu, too iha fatin votasaun  tuku 10  resin.

Hafoin vota, ba jornalista, Prezidente  partidu  FM, Jose Luis  Guterres, hatete, simu ho laran tomak, tanba foin lalais halo kampana iha fatin hotu, ba buat neebee mak sira  fiar, ho komprimisu povu neebe simu ka lae, ida nee depende ba povu, neebe  sira  simu rezultadu ida nee, no sira prontu simu rezultadu, nomos prontu nafatin  atu servi  povu  TL, buat neebe mak  sira  fiar katak, atu hadia povu nian moris.


“Ami simu ho laran tomak, foin lalais ita halo kampana iha fatin hotu, ba buat neebee mak ita fiar, ho komprimisu povu neebe simu ka lae, ida nee depende ba povu, neebe ami simu rezultadu ida nee, no ami prontu simu rezultadu, no ami prontu nafatin atu servi povu, buat neebe mak ita fiar katak, atu hadia povu nian moris, ami fiar katak, ami sei aumenta prezensa parlamentar iha eleisaun  ida nee, tanba ami prontu para atu fo kontribuisaun  ba  iha politika ita nian rai, tanba politika barak la los, no ita presiza atu hadia, inklui  politika investimentu fundu mina rai ninia, se ita kontinua  hanesan nee, ita laiha osan, ita nian setor privadu nasional mos laiha osan no kreditu atu  bele fila liman,” dehan Lugu ba jornalista iha sentru  votasaun  EBF  Fatuhada  Dili  Sabadu  (22/07/2017).

Prezidente  partidu  FM, Lugu, akresenta, Primeiru depende  ba konfiansa neebe mak  povu fo, sekarik hetan votus barak, iha posibilidade atu influensia politika governu nian, se uituan, influensia ladun barak, bele koalia nafatin, tanba partidu frenti mudansa sei kontinua nafatin, depois eleisoins halo programa ida, para atu ajuda povu nian moris.

Iha fatin  hanesan xefi suku Fatuhada, Marcelino  Soares, hatete, ohin loron ida nee, povu hotu  mai iha sentru votasaun, hodi bele fo sira nian votus, no sira ida-idak vota ho konsiensia rasik, ba partidu sira neebe mak sira hakarak, tanba nee, ferik katuas, tantu joven, ema hotu sei hakat ba iha sentru votasaun, hodi bele fo sira nian votus. Jacinta Sequeira

Suara Timor Lorosae