terça-feira, 22 de agosto de 2017

Alkatiri – Xanana La Iha Tusan Ba Malu, Koligasaun Fretilin –PLP-Khunto Fiksu

PARTILHAR
DILI - Tuir informasaun nebe maka espala katak Alkatiri Ho Xanana iha tusan ba malu,nee laloos,tamba sira nain rua tamba sira nain rua hanesan fundador estadu nebe  iha konsiensia responsabilidade ba malu.

Tuir Vise Prezidente partidu Fretilin, Francisco Miranda Branco neebe hatan ba artigu ida nee maka fo sai ona iha media balun, katak Alkatiri iha tusan ba Xanana,nee lalos tamba, sira nain rua hanesan fundador estadu nebe iha konsiensia responsabilidade ba malu.

Tusan saida nian? Karik tusan maka komprimisu atu lori estadu no nasaun ida nee ba oin, ida nee maka los, laos atu halo fali tusan oin-oin nee lae,” dehan Branco Ba STL iha PN, Tersa (22/08/2017).

Branco hatutan, iha momentu neebe pais, iha faze tranzisaun jerasional, sira iha konsiensia responsabilidade ba malu, atu hametin estado no nasaun ida nee hodi hakat liu ba prosesu nebe tenki hakat duni ba oin.

Iha biban nee mos Vise Prezidente Partidu Fretilin Branco hateten, desijaun nee dala ida deit Fretilin halo tiha ona, nia komprimisu ho PLP no KHUNTO, iha loron neebe sekjer Fretilin le ona rejolusaun katak atu hetan plataforma de comun presija tempo laosansia, hanesan ema barak hakarak, neebe primeira etapa maka tenki iha komsertasaun ida atu formameja Parlamentu nian depois nee estabelese mai oin, laiha problema.

Iha parte seluk, Observador politika UNTL, Camilo Ximenes hateten tenke tuir regras konstitusional, tenke esplika tamba sa maka adianta, tamba iha nasaun TL iha orgaun soberanu haat, hare ba fungsionamentu iha deit institusional rua hanesan Prezidensia Republika no Tribunal, orgaun soberanu Parlamentu Nasional e governu seidauk lao. 

Carme Ximenes /Maria Lay | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: