Kareta Patrimoniu PN, Mandatu Remata Fretilin Intrega

DILI – Kareta Parlamentu Nasional (PN) hanesan patrimoniu Parlamentu Nasional (PN), tanba nee bainhira deputadu husi bankada Fretilin sira nia mandatu remata sei intrega fila fali kareta hirak nee ba Parlamentu.

Vise Prezidente Bankada Fretilin Francisco Miranda Branco hateten, Fretilin nia posizaun maka nee Konsellu da Administrasaun hasai tiha ona desizaun iha deza oitu loron haat liu ba, no kria despaisu husi Prezidenti PN, neebe konsidera kareta sira nee patrimoniu PN.

Ami labele dehan atu intrega ka laintrega, tanba nee patermoniu Parlamentu nian, neebe automatikamente Parlamentu nia propriadade, agora ami sei uza tanba sei ekstende tan ami nia mandatu to dia 5 Setembru,” dehan deputadu Branco, liu husi konferensia imprensa, neebe maka halao iha sala bankada Fretilin, Dili, Tersa (22/08/2017).

Deputadu Branco hateten, Regras neebe Parlamentu rasik maka fo espasu ba ida nee, entaun ida nee halo hanesan mos maluk sira seluk. Tanba desizaun kalru ona husi despaisu ida nee katak, propriadade Parlamentu nian, agora kestaun matrikula nee laos problema, tanba kontiudu despaisu nee vinkula nee patermoniu Parlamentu nian.

Iha fatin hanesan membru PN husi bankada Fretilin David Dias Ximenes hateten, tenke hatene termu lelaun nee asuntu ketak, ida nee aliendasaun.

Entretantu Prezidente Parlamentu Nasional Aderito Hugo hateten, desizaun tomada, desizaun kolektivu hetan partisipasaun husi bankada sira. Laos bankada ida deit, bankada hotu maka fo forsa ba diliberasun, mekanismu hanesan nee rona posizaun bankada sira nian. 

Justinho Manuel | Suara Timor Lorosae