Dom Virgilio Inagura Kapela Grotu

GROTU – Bispu Dioseze Dili, Dom Virgilio do Carmo da Silva, SDB hamutuk ho vigariu Jeral Baucau, Pe. Fransico Pinheiro ho amu paroku Manufahi, Sabino neebe mak akompania husi PNTL too iha suku Grotu, Munispiu Manufahi, Postu Admistrativu Same, Suku Grotu ho horas 08:00 OTL, atu fo Krisma ba ema nain 100 resin no inagura kapela no gruta Nain Feto nian neebe mak hari husi inisiativa husi komunidade Grotu rasik liliu emprejariu Afonso Henrique neebe mak hasai nia osan rasik 29,743 mill dollares.

Iha Omilia, Domingo, Suku Grotu, (14/08/2017), Dom Virgilio do Carmo da Silva, SDB katak kapela Grotu neebe mak hari husi komunidade sente haksolok no kontente, tamba marka tan istoria foun ida, istoria ida nee ita marka hodi inagura kapela furak ona ida nee ho gruta Nain Feto nian.

“Kapela ida mos fo hanoin mai ita kona ba Maromak ninia horik fatin, no fatin laletek iha los Kabulaquen ninia hun neebe mak hare kapaz no furak hodi sai horik fatin Maromak ninian no kapela Grotu neebe neebe mak ita boot sira hari sai fatin hodi hasoru malu ho Maromak no fatin hasoru malu Maromak ho ita no fatin ida nee,”dehan Dom Virgilio.

Nia mos agredese ba emprejariu neebe mak kaer kompania Siko Estar nuudar Grotu oan neebe mak fo ninia osan hamutuk ho komunidade, hodi tulun no ajuda Dioseze bele hadia no hari uma orasaun Maromak nian.

Iha fatin hanesan, Afonso Henrique, nuudar kompania Siko Estar katak hahu iha 2015 Junu komunidade hot-hotu hamutuk ho lian sira, xefe suku komvida malu no sira mos bolu hau atu adia hikas fali kapela neebe mak eziste iha 1994 neebe mak komesa aat ona.

Nunee mos tuir Prezidente komisaun organizadora, Florindo da Silva katak atu hari kapela nee inisiu halo inkontru bazeia ba orientasaun husi amu paroku Sabino rasik no hetan nuudar paroku Same, no hetan orientasaun husi padre Fransisco Soares kuandu sei frater hela.  

Domingos da Piedade Freitas | Suara Timor Lorosae