DILI
- Tuir observasaun sosiedade sivil sira katak partidu politika iha direitu atu
determina nia pozisaun. Ida nee maka dehan demokratizasaun politika neebe lao
iha Timor oras nee dadaun no iha hanoin ida deit maka dezenvolvimentu nasional.
Lia
fuan hirak nee hato husi Diretor Ezikutivu Fongtil Arsenio Pereira da Silva ba
STL iha nia knar fatin Kaikoli Dili Segunda, (14/8/2017). Nia dehan, hanesan
ema hotu hatene ona katak parpol determina pozisaun hakarak opozisaun ka
koligasaun, tamba mos konstituisaun garante ba ida nee.
Ida
nee maka prosesu demokratijasaun ita hatene katak parpol iha direitu atu
determina opojisaun ga koligasaun. Tamba konstituisaun garante ida nee. Ema
barak nia hanoin bele mosu hanesan iha 2007 liu ba. Mais konstituisional mais
lakonsege forma governu prezidente republika hola bolu segundu maioria nee garante
iha konstitensaun,” nia dehan.
Iha
parte balun dehan prosesu nebe lao sei hamosu tan iha 2007 liu ba. Mais tuir
konstituisaun dehan lakonsege forma governu. Maka prezidente republika hola
medidas no bulu partidu segundu votadus hanesan garante ona iha konstituisaun
laran.
Tuir
Diretor Ezekutivu HAK Manuel Monteiro Fernandes dehan instabilidade sei la
akontese. Tamba parpol sempre buka meus tuir konstituisaun haruka. Parte
Fretilin mos la anse atu forma governu maibe fretilin mos buka dalan oinsa maka
governasaun dura tinan lima. Kualia estabilidade iha buat rua.
Sekertariu
Jeral Conselu Nasional Juventude Timor Leste Luis Mendes Ribeiro, S. Sos dehan
governasaun forte kunsidera mos opojisaun nebe iha parlamentu nasional mos sei
forte. Esforsu sira neebe partidu mais votaudus Fretilin halo nee konsidera
katak espekulasaun politika atu garante sira nia governasaun nebe dura.
Justinho
Manuel | Suara Timor Lorosae
Sem comentários:
Enviar um comentário