Dili
– Primeiru Ministru Rui Maria de Araujo konsidera atuasaun Polisa
Nasional Timor Leste (PNTL) halo hasoru manifestante, neebe halo demostrasaun
kontra rezolusaun Parlamentu, nudar medida neebe PNTL foti hasoru bandalismu.
Lia
hirak nee hatoo husi husi xefe governu Rui Maria de Araujo ba jornalista sira
hafoin enkontru semenal ho Prezidente Republika (PR) Francisco Guterres Lú Olo,
iha palasiu Prezidensial Bairo Pite Kinta (24/8/2017).
Primieru
Ministru dehan polisia la lapermite sidadaun nia liberdade hodi halo
demostrasaun, maibe polisia foti medidas hasoru bandalismu no ida nee
resposabilidade polisia nian, iha ambitu misasaun atu garantia ordem publiku
iha territoriu laran tomak.
Iha
enkontru semenal nee koalia mos konaba kestaun sira neebe maka lao hela hanesan
tomada de pose ba membru Parlamentu IV lejislatura, neebe tuir planu sei halo
iha loron 5 fulan Setembru tinan nee.
Prezidente
Republika katak xefi governu sei akompania prosesu neebe partidu mais votadus
halao atu formasaun VII governu konstitusional. Prezidente republika husu atu
sestu governu konstituisional matein servisu jestaun ba instituisaun hotu, hodi
hein too governu foun simu pose.
Iha
oportunidade nee mos Prezidente Parlamentu Nasional Aderito Hugo halo enkontru
ho Prezidente Republika, hodi informa ba Prezidenti konaba seremonia tomada de
pose ba membru IV Lejislatura.
Natalino
Costa | Suara Timor Lorosae
Sem comentários:
Enviar um comentário