DILI
– Foin lalais nee Sekertairu Jeral Partidu Fretilin Mari Alkatiri, hasoru
malu ho Prezidente PLP Taur Matan Ruak, hodi kolia konaba konsertasaun
plataforma koligasaun entre partidu rua nee.
Vise
Prezidente Partidu Fretilin Francisco Miranda Branco hateten, tuir informasaun
katak iha inkontru entre Sekertariu Jeral partidu Fretilin Mari Alkatiri ho
Prezidente PLP Taur Matan, ho objetivu atu iha konsertasaun hamosu
plataforma ida hamutuk para bele avansa ba oin.
Ami
mos lahetan informasaun, maibe ita hotu rona hanesan dadauk inkontru ho
Prezidente PLP Taur Matan Ruak ida nee konserteza kolia ba konsertasaun
plataforma koligasaun, atu bele hamosu laos iha deit komposizaun ba meja
Parlamentu, maibe ba mos iha Governu ,” dehan Vise PR Fretilin Branco, ba STL,
iha PN, Dili, Kuarta (24/08/2017).
Prosesu
negosiasaun tuir Branco katak lao hela, husi parte Fretilin hein aserta tan
asuntu balu, para iha dia 5 de Setembru nee meja Prezidente Parlamentu Nasional,
iha ona naran husi reprezentante partidu sira.
Depois
kuatru lejislatura tomada de pose, halo eleisaun ba Prezidente, hafoin nee
formasaun husi Vise Prezidente, Sekertariu, no Vise Sekertariu.
Iha
parte ketak Vise Prezidente PLP Fidelis Magalhaes hateten, Semana liu ba PLP ho
Fretilin hasoru malu epresa iha vontade atu hari plataforma ba koligasaun,
plataforma ba koligasaun maka partidu rua nee konkorda tiha ona, maibe atu
ofisializa koligasaun nee maka presiza servisu.
Carme
Ximenes/EST2 | Suara Timor Lorosae | Foto iha Público
Sem comentários:
Enviar um comentário