DILI,
(TATOLI) – Ministru Turizmu, Manuel Florêncio Vong, informa ba jornalista
sira iha Palásiu Governu, kuarta (25/10) katak nia iha estratéjia tolu atu
dezenvolve turizmu Timor-Leste (TL).
Primeiru
mak dezenvolve turizmu baze komunitária katak komunidade mak tenke sai na´in ba
turizmu ho konseitu bottom-up planning (planu husi karaik ba leten),
segundu mak sistema top-down plannig (planu husi leten ba karaik)
ne’ebé kombina entre Comunity initiative tourism (turizmu inisiativa
husi komunidade).
Terseiru
mak dezenvolve industrializasaun setór transversais ne’ebé liga ho agrikultura,
peska no seluk tan hodi kontribui ba pás no dezenvolvimentu nasaun nian.
Razaun,
tuir alumni Fakuldade Ekonomia no Turizmu, Universidade de Algrave (Ualg),
Portugal katak, Timor-Leste iha rekursu rasik. Entaun hafoin simu pose, nia
haree setór haat importante.
Ida
mak hametin regulamentu no dezenvolvimentu setór turizmu nian, segundu halo
protesaun ba traballadór lokál no investór sira iha área turizmu, terseiru halo
estudu viabilidade ida atu harii autoridade nasionál ba turizmu nian no kuatru
mak promove turizmu hanesan indústria transversál ne’ebé mak liga ho setór sira
seluk para bele lori efeitu multipla ba iha makro-ekonómika.
Entaun
iha ne’e, bele dezenvolve haree husi aspetu oferta turizmu, pelumenus iha buat
haat ne’ebé mak identifikadu.
Hodi
hatutan, ida mak rekursu turístiku ne’ebé mak boot tebes, segundu rekursu
turisríku kulturál ne’ebé mak mak bele dehan kultura timoroan nian,
luzu-timorense, ho língua no kultura portugeza nomós mistura ho Ázia ninian.
Terseiru,
turizmu istóriku, tinan 24 luta ba libertasaun nomós tinan 500 hamutuk ho
protugés sira, buat ne’ebé presiza dezenvolve nomós rekursu turistíku natureza,
tantu iha tasi nomós iha foho, ho klíma ne’ebé agradável presiza dezenvolve.
Ida
mak turizmu ka rekursu, Timor-Leste úniku país katóliku maioria ho
abitante no nia atividade barak tebes hafoin Filipina, iha Ázia. Timor marka
diferensa sira ne’e.
Segundu
mak prokura (buka) turístika ba iha istória ninian, ema hakarak atu hatene,
liu-liu husi nasaun viziñu hanesan Austrália.
Ida
seluk mak prokura turístika kruzeiru, uluk mai dala ida de’it iha tinan ida,
agora kuaze fulan-fulan mai ho númeru kuaze turista 2000. Agora presiza kria
kondisaun atu haree didi’ak, komesa husi taksista sira, motorista, para bele fó
servisu ne’ebé mak di’ak liutan.
Ida
ikus mak turístika natureza, eko-turizmu, semak hakarak nani no luku iha
Timor-Leste kapas tebes no ida fali prokura turístika desportiva ninian hanesan Tour
de Timor, halai ró (kruzeiru), kuda halai taru no seluk tan.
Liga
ho planu governu ne’ebé mak seidauk hetan apresiasaun husi Parlamentu Nasionál
(PN), nia akresenta, hala’o nafatin kna’ar tan turizmu área ne’ebé importante.
“Ha’u
hala’o kna’ar hanesan babain, halo konsolidasaun institusionál, hadi’a
estrutura ne’ebé mak iha, organiza funsionáriu, hadi’a servisu ba turista sira
tanba turista sira mai nafatin”, hateten governante ne’e.
“Kestaun
ne’ebé liga ho kestaun polítiku ne’e, ha’u la tama iha ne’ebá maibé kna’ar ida
ne’ebé mak fó mai, ha’u buka atu kontribui ho kbiit ha’u nian ne’ebé iha atu
bele serbi ba povu no nasaun ne’e ho didi’ak”, eis-reitór DIT (Dili Institute
of Tecnology) ne’e akresenta.
Entretantu,
antes ne’e, bainhira sei asume kna’ar hanesan reitór DIT, ministru Manuel Vong
informa ba ajénsia TATOLI katak área mundu turístiku iha buat lima ne’ebé mak
presiza tau atensaun.
Buat
lima ne’e mak hanesan atrasaun natureza, hametin estadu, infrastrutura
estratéjika, desentralizasaun no dezenvolve setór ekonómiku.
Jornalista:
Rafy Belo | Editora: Rita Almeida
Foto:
Ministru Turizmu, Manuel Vong (klaran) bainhira simu posse hosi Prezidente
Repúblika iha Palásiu Prezidensiál Nicolau Lobato foin lalais ne'e. Foto
dokumentasaun Tatoli
Notísia
relevante,
Sem comentários:
Enviar um comentário