Nasaun
luzófonu sira tenki aumenta koperasaun entre sira hodi ajuda hametin Ministériu
Públiku sira no majistradu sira no aumenta efikásia hosi kombate hasoru krimi
organizadu no transnasional, defende hosi prezidente Parlamentu timoroan iha
loron-kuarta ne'e.
"Krimi
organizadu ho transnasional espalla iha fronteira sira hosi Estadu soberanu
sira no presiza atuasaun konsertadu sira ne'e, iha área oioin, liuliu, iha
kombate hasoru fenómenu kriminal sira", hatete hosi Aniceto Guterres
Lopes, bainhira loke enkontru ba dala 15 hosi Prokurador-Jeral sira hosi
Komunidade Nasaun sira ho Lian Portugeza (CPLP) ne'ebé hahú iha loron-kuarta
ne'e iha Díli.
"Globalizasaun
no dezafiu sira ne'ebé mosu husu atu ita aumenta koperasaun entre Estadu-membru
sira CPLP nian no Rejiaun Administrativu Makau nian, liuliu entre Ministériu
Públiku sira no nia majistradu sira, hodi aumenta efikásia iha kombate hasoru
krimi organizadu no transnasional", nia defende.
Enkontru
iha Díli hetan partisipasaun hosi prokurador-jeral sira hosi Angola, Cabo
Verde, Guiné-Bissau, Makau, Mosambike, Portugal, São Tomé & Prínsipe no
Timor-Leste, ne'ebé sei analiza, to'o loron-sesta, instrumentu sira no dalan
sira koperasaun nian, siberkriminalidade no tráfiku droga nian, no asuntu seluk
tan.
Iha
diskursu abertura nian, Aniceto Lopes refere ona ba "obrigasaun espesífiku
sira" ne'ebé maka Timor-Leste hasoru, tanba nasaun sei harii hela nia
instituisaun sira no mós tanba lokalizasaun jeográfiku ne'ebé hamosu
preokupasaun sira seluk: illa ida iha zona importánsia ekonómiku ida, polítika
no militar ho dalan oioin hosi komunikasaun marítimu nian.
"Tasi
iha parte norte Timor nian hanesan importante tebes, tanba nia profundidade, ba
pasajen hosi meiu naval sira hosi interese estratéjiku. Iha súl, Tasi Timor
nian hanesan importante tebes ba Timor-Leste, tanba iha fatin ne'e maka hetan
rekursu natural sira ne'ebé importante tebes ba nia dezenvolvimentu, rikusoin
no moris di'ak ekonómiku no sosial", nia destaka.
Iha
tempu ne'ebé Timor-Leste sei tenta hakotu nia soberania iha rejiaun, ho
negosiasaun sira hosi fronteira sira ho Austrália no Indonézia, nasaun haree ho
urjente ba "dezafiu hodi kombate hasoru atividade ilegal oioin ne'ebé maka
akontese iha espasu marítimu ne'e, hanesan movimentu hosi sidadaun ilegal sira,
narkotráfiku, tráfiku ema sira nian no merkadoria sira", nia hatete.
Kona-ba
situasuan internu, prezidente Parlamentu timoroan nian refere ba
"situasaun polítika no sosial sira ne'ebé maka akontese tanba konflitu
naruk" ne'ebé reflete ho "fenómenu partikular tebes hosi violénsia
komunitáriu ho orijen iha grupu sira arte marsial nian" no mós frakeza
hosi sistema judisial iha Timor-Leste.
"Ami
nia sistema judisial no ami nia instituisaun judisiáriu sira sei iha prosesu
konstrusaun nia laran no, tanba ne'e, ami nia majistradu sira, maski ho esforsu
ne'ebé sira halo, ladún iha esperiénsia, nune'e bele senti iha kuaze área
tomak", nia afirma.
Ba
prezidente Parlamentu Nasional timoroan, enkontru Díli nian hatudu
"vontade maka'as hodi hetan benefísiu máximu" hosi istória no valor
ne'ebé hanesan hosi komunidade luzófonu no vontade hodi "fahe esperiénsia
no koñesimentu" iha espíritu invulgar hosi solidariedade institusional
nian".
"Konsolidasaun
hosi CPLP tenki liuhosi institusional ne'ebé metin hosi Ministériu Públiku sira,
hamosu iha reforsu sira hosi kapasidade téknku sira no sientífiku sira hosi nia
majistradu sira, ne'ebé tenki hamosu aumentu ida ne'ebé haree hosi efisiénsia
no efikásia hosi atuasaun hosi Ministériu Públiku sira iha área oioin iha nia
intervensaun, liuliu hodi hatán ba fenómenu kriminal sira, hodi bele hapara iha
ne'ebé maka simu iha nível komunitáriu nian", nia hatete.
Repete
fali defeza ida hosi independénsia justisa nian, Aniceto Lopes konsidera ona
katak laiha razaun hodi iha dúvida ba esforsu hodi hametin prinsipiu ne'e no
katak nia prezensa, polítiku ida, iha enkontru ida hosi área judisial "la
estimula buat ida relasionadu ho autonomia" hosi Ministériu Públiku
timoroan nian ka hosi CPLP nian.
SAPO
TL ho Lusa
Sem comentários:
Enviar um comentário