Prezidente filipinu iha Japaun hodi ko'alia dezafiu rejional antes simeira ASEAN nian

Prezidente Filipina nian hahú iha loron-segunda ne'e vizita ida loron rua ba Japaun, hodi hasoru malu ho primeiru-ministru nipóniku hodi ko'alia kona-ba dezafiu rejional sira antes simeira hosi Asosiasaun hosi Nasaun sira Sudeste Aziátiku (ASEAN) nian.

Durante enkontru, ne'ebé sei hahú iha loron-segunda, Rodrigo Duterte ho Shinzo Abe sei troka opiniaun sira kona-ba programa nuklear ho misil sira hosi Koreia-Norte, nune'e mós kona-ba tema sira seluk hosi juridisaun rejional no internasional, informa ona hosi Ministériu Negósiu Estranjeiru sira japunés nian.

Antes ba Japaun, Duterte lansa ona apelu ida diálogu nian ho Koreia-Norte, hodi hapara aumentu tensaun nian.

"Sei di'ak tebes bainhira Estadus Unidus, Japaun Koreia [Súl] no señór Kim Jong-un ko'alia, hodi konvense nian tuur hamutuk iha meza negosiasaun nian no hodi hatete ba nia katak laiha ema ida ameasa nia, no katak sei laiha funu" no katak "laiha planu ida hodi halakon nia", afirma hosi Duterte iha konferénsia imprensa ida iha Davao, iha Filipina, ne'ebé haktuir hosi ajénsia notísia japuneza Kyodo.

Tókio konsidera katak Duterte nia vizita, ba dala rua dezde kaer prezidénsia Filipina nian iha fulan-Juñu liubá, konstitui iha "oportunidade di'ak" ida hodi nune'e líder sira bele troka ideia sira antes simeira ASEAN nian ne'ebé sei hala'o iha Manila iha fulan-Novembru nia klaran.

Antes hasoru ho Abe, Duterte sei partisipa iha eventu emprezarial ida no mantén enkontru ida ho ministru Negósiu Estranjeiru nipóniku nian, Taro Kono, no ho prezidente hosi Ajénsia Koperasaun Internasional hosi Japaun (JICA), Shinichi Kitaoka.

Hafoin konferénsia imprensa ida hamutuk ho Abe, Duterte sei marka prezensa iha jantar ida ne'ebé fó hosi primeiru-ministru iha nia rezidénsia ofisial.

Iha loron-tersa, Prezidente filipinu sei hasoru imperador Akihito no hosi imperatriz Michiko iha Palásiu Imperial, ne'ebé sei hanesan nia enkontru dahuluk ho kazal real.

Iha mós previzaun atu Duterte hasoru malu ho imperador sira durante vizita ne'ebé hala'o ba nasaun aziátiku iha fulan-Outubru tinan liubá maibe eventu ne'e kansela tiha tanba prínsipe Mikasa nia mate, Akihito nia tiun.

Duterte to'o ona iha Japaun iha loron-segunda madrugada tanba pasajen hosi tempestade tropikal Saola ne'ebé liu besik arkipélagu, nune'e halo kanselamentu ba semo atus resin iha loron-domingu, halo nia tenki muda oras to'o nian iha aeroportu Haneda no, nune'e maka habadak nia vizita loron tolu ba loron rua.

SAPO TL ho Lusa