HERA, (TATOLI) - Primeiru Ministru sétimu governu
konstitusionál, Mari Alkatiri rekoñese, investimentu kompañia Heineken iha
Timor-Leste, nu’udar rezultadu servisu governu anterior nian, Nia promete sei
kontinua tau matan.
“Ida nee ha’u lakohi rekoñese hanesan rezultadu servisu
sétimu governu nian, maibé hakarak rekoñese nu’udar ativu ida hosi cinco no
sexto governu nia servisu,” Mari Alkatiri deklara bainhira inaugura
plantasaun multi bebidas Heineken Timor S.A iha Hera, Dili, Ohin.
Nia dehan rezultadu servisu governu anteriór mak hanesan;
investimentu fabrika Heineken, ho investimentu pelican paradise.
“Fabrika nee nia efeitu kolaterais boot tebes sei too
agrikultura, indústria ki’ik, no komérsiu liuhosi kioske ki’ik too
supermerkadu tanba nee nia efeitu boot ba ekonomia.”
“Loron tolu ba kotuk ha’u mós asina sertifikadu investimentu
boot ida hosi Pelican Paradise tama iha timor leste, ne’e mós servisu
hosi governu anterior,” Alkatiri esplika servisu governu anterior nian.
Sétimu governu sei kontinua hatutan ativu rezultadu
hosi governu antrior nian, liuliu iha investimentu hanesan Heineken iha fabrika
serveja, tanba investimentu refere loke ona empregu ba timoroan.
Jornalista: Agapito dos Santos | Editór: Manuel Pinto
Imajen: Primeiru-Ministru, Marí Alkatiri, bainhira selebra
Natal hamutuk ho jornalista sira iha nia rezidénsia Faról Dili, kuarta, (27/12).
Foto António Goncalves
Sem comentários:
Enviar um comentário