segunda-feira, 22 de janeiro de 2018

Se PR Dezolve PN, Fidelis: Pozisaun AMP Santai

PARTILHAR
DILI – Situasaun impase politika neebe lao iha Parlamentu Nasional (PN), maibe durante nee komisaun funsiona, so Prezidente PN mak lahalo plenaria para dada tempu  atu  Prezidente Republika (PR) dezolve PN. Maibe pozisaun AMP (Aliansa Maioria Parlamentar) sante deit (santai) se PR dezolve PN.

Kestaun nee hatoo husi Xefe Bankada PLP Fidelis Magalhaes hatete, Parlamentu durante nee iha komisaun sira funsiona, so plenaria mak laiha. Nee Prezidente PN mak hakarak dada tempu hamutuk governu too fulan 6 hodi hakat liu impase politiku atu PR bele ona dezolve Parlamentu.

Karik desizaun PR dezolve PN pozisaun AMP sante deit (santai), dezolve ita dezolve,” katak Xefe bankada PLP ba Jornalista Segunda (22/01/2018) iha PN.

Nia informa, PPN ho governu sira nia hakarak halai ba ida nee,  para atu iha tan elementu de presaun ida, bainhira PR bolu partidu politiku sira atu halo konsulta  karik hodi dehan ba ona Eleisaun Antisipada (EA) tanba liu ona fulan 6.

Iha fatin hanesan Xefe Bankada PD Maria Teresa da Silva hatete, governu agora nee lao iha inserteza, maibe tuir konstituisaun dehan hapara governu bainhira governu  ka estadu lao durante fulan 6 ona, neebe hein deit desizaun iha Prezidente Republika nia kompetensia.

Entretantu  Xefe Bankada Fretilin Francisco Branco hatete, se karik desizaun PR ba governu inkluzaun neebe sei lidera nafatin husi Fretilin, nia hatete, atu governu inkluzaun, grande inkluzaun bele dehan mos governu unidade nasional, haree husi aspetu ida nee, agora hotu-hotu nia reprezentasaun iha ona neeba.  

Guilhermina Franco | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: