segunda-feira, 22 de janeiro de 2018

Governu Sombra AMP, Xanana Ba PM

PARTILHAR
DILI – Impase politika neebe lao durante fulan 6, hein desizaun Prezidente Republika (PR) foti desizaun atu hakotu AMP preparadu karim PR fo fiar, forma governu maun Xanana mak kandidatu ba Primeirun Ministru (PM).

Informasaun nee hatoo husi Xefe Bankada Khunto Luis Roberto da Silva katak,  impase politika neebe lao, pozisaun AMP firmi unidade, hodi hein desizaun PR saida deit prontu koopera no banati tuir.

“Se karik desizaun PR fo responsabilidade ba AMP forma governu se mak ba PM, Luis hatete, kona ba  strutura governu sombra ami AMP preparadu ona, neebe atu kandidatu ba Primeiru Munistru nee mak maun Xanana Gusmao,” katak Luis ba jornalista Segunda (22/01/2018) iha PN.

Nia hatete, preparasaun AMP nian prepara ona, neebe konluzaun saida mak fo ba prontu, neebe atu grande inkluzaun no inkluzaun ho Fretilin AMP prontu, simu liu husi notifikasaun ba ami nia lideransa husi partaidu 3, neebe PR fo ona karta konvite ba ami nia lideransa partidu 3 nian no konsellu estadu, neebe fiar katak nudar altu nivel bele rona malu atu rezolve problema rai laran.

Maibe karik atu halao renegosiasaun entre partidu 5, mak maun boot altu nivel sira hanesan maun Xanana, Taur, Ramos Horta, Alkatiri no maun boot PR Lú Olo, sira mak tuur hamutuk hodi konvense malu bele rezolve  tanba mesak Timor oan deit sei iha solusaun diak atu hodi haree ba povu iha nasaun ida nee.

Maibe husi Khunto hatete ona katak maun Xanana mak atu sai PM, Fidelis hatete, maun Xanana lider partidu CNRT nian, nee parseiru senior AMP nian, i nunee mos figura lideransa istoriku Timor, i maun Xanana mos lidera ona nasaun durante tinan hirak nia laran, neebe natural, bele opsaun monu ba maun Xanana mos natural, maibe AMP lahaksesuk malu ba PM. 

Guilhermina Franco | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: