domingo, 11 de fevereiro de 2018

FRETILIN derota tan, futuru militante mos lakon

PARTILHAR

Prezidenti OJETIL, José Manuel Fernandes ‘Nakfilak’ hateten, kuandu Eleisaun Antisipada FRETILIN lakon tan, maka militantes FRETILIN nia futuru mos lakon.

“Ami lao dalan naruk hamutuk ho FRETILIN, ami aprende buat barak mos hamutuk ho FRETILIN, hot-hotu hateten se FRETILIN maka lakon tan iha eleisaun ida ne’e ami nia futuru mos lakon, no FRETILIN nia dereitu ba ukun make ma nega tan, nega mos progresu ne’ebe ami hein husi FRETILIN”, hateten Prezidenti OJETIL, José Manuel Fernandes ‘Nakfilak’, iha reuniaun alargada organizasaun filiadas FRETILIN iha Hotel Luz Clarita, Kinta (08/02/2018).

Nakfilak afirma katak, iha reuniaun alargada organizasaun filiadas ne’e, sei aprova rezolusaun rua hanesan, hari’I estrututa reprezentasaun organizasaun Filiadas, no rezolusaun atu apoiu eleisaun Antisipadas.

Prezidenti OJETIL ne’e husu ba jerasaun foun FRETILIN atu oinsa hakat ho lolos, ho esperitu ne’ebe forte no hahalok ida deit atu lori vitoria ba FRETILIN iha Eleisaun Antisipada.

Iha fatin hanesan, Sekretario Jeral FRETILIN, Mari Alkatiri, hateten, FRETILIN sei manan maioria iha eleisaun antisipada.

Alkatiri mos afirma, iha eleisaun Parlamentar peirodu 2017-2022, FRETILIN la manan maoria, la’os sala povu nian, maibe kulpa duni husi FRETILIN, tanba povu fo ona maioria, maibe lideransa FRETILIN maka la organiza didiak.

“Se FRETILIN lakon, no koruptores sira maka ukun nafatin, klaru katak, futuru militantes FRETILIN mos lakon”, dehan Mari Alkatiri.

Hola parte iha reuniaun alargada organizasaun filiadas FRETILIN mai husi jerasaun foun FRETILIN husi Munisipiu 12. mi

GMN TV | Grupo Média Nacional
PARTILHAR

Author: verified_user

Publicação luso-timorense sem fins lucrativos

0 comentários: