domingo, 11 de fevereiro de 2018

Prepara ba EA, FRETILIN Halo Konferensia Nasional Iha Maliana


THETIMOR-NEWS.com, DILI – Vise Prezidente Partidu Frente Revolucionaria Timor – Leste Independente (FRETILIN) Francisco Miranda Branco informa, konferensia nasional FRETILIN nian sei halo iha Maliana, Kapital Autoridade Munisipal Bobonaro nune’e bele hetan rekezitus atu bele partisipa iha eleisaun antesipada.

“Ami semana ikus ida ne’e, dia 10 to 11 iha Maliana hodi halo konferensia nasional partidu nian,” dehan Francisco Branco liu husi konferensia imprensa ne’ebe mak halo iha salaun bankada FRETILIN Parlamentu Nasional, Sexta (09/02/2018).

Dadauk ne’e, Aliansa Mudanca ba Progresu (AMP) ne’ebe kompostu husi partidu 3 CNRT, PLP no KHUNTO avansa ho pakote uniku hamutuk ho aliadu partidu 9 mai husi FDN ne’ebe kompostu partidu 9 atu nune’e bele lori AMP ba manan maioria iha eleisaun antesipada.

Maski nune’e, deputadu FRETILIN ne’e hatete, sira nia parte sei la hakfodak ho prezensa partidu hirak ne’ebe oras ne’e daudaun hali hamutuk ona hodi hasoru eleisaun.

“AMP sira bele halai hamutuk maibe ida ne’e ami sei la sente ameasadu,” dehan Branco.

Hortencio Sanches | The Timor News

Sem comentários: