DILI: Primeiru Ministru, Mari
Alkatiri, sei bolu hodi fó xamada atensaun másimu ba Ministru Turizmu, Manuel
Lito Vong ho Vise-Ministru, Rui Menezes, ne’ebé asina akordu loke jogu iha
Timor-Leste laiha koñesimentu ba Xefe Governu.
Xefe Governu fó xamada atensaun
ba ministru turizmu no nia vise tanba asina akordu ho investidór Japaun no
Indonézia atu loke jogu lotaria no toto bola iha Timor-Leste.
PM Alkatiri dehan, tenke bolu
ministru turizmu ho vise-ministru atu ko'alia nune’e tenki tuir lei. Labele
asina iha kotuk-kotuk laiha autorizasaun husi Xefe Governu mak asina to’o ikus
mosu konfuzaun boot.
“Biar nune’e, Ha'u sei ko'alia ho
ministru ho vise-ministru buat hotu tenke tuir lei, labele halo sasán luflafu
de’it”, tenik nia, iha Eis-Komarka Balidi, horisehik.
Tuir Alkatiri, membru Governu
na'in rua ne’e halo asina akordu ho empreza sira la tuir lei orgánika VII
Governu Konstitusionál baihira fó lisensa ba empreza atu investe negósiu ba
jogu.
Atitude membru Governu na’in rua
ne’ebé asina akordu laiha koñesimentu ba primeiru ministru.
Artur da Luz | Independente
Sem comentários:
Enviar um comentário