sexta-feira, 20 de abril de 2018

Dada Kadoras Laos Kestaun Povu, Importante Mudansa Moris


DILI – Atu dada kadoras mai Timor-Leste nee laos kestaun povu nian, tanba nee partdu labele utiliza kestaun estadu ba hatoo ba povu, tanba povu presiza programa mudansa ba moris.

Kestaun nee hatoo husi Vice Prezidente Fretilin, Francisco Branco hatete, dada kadoras  mai Timor, nee problema estadu. Tuir los partidu labele lori sai mateia kampana, tanba povu presiza programa.

"Problema estadu nian, tuir loos partidu sira labele lori ida nee ba materia kampana, tanba povu hakarak saida mak atu rona bainhira sira kaer ukun,  atu halo sa ba mudansa ba povu,  liu-liu ba nesesidade baziku hanesan bemos, estrada eletrisidade, tanba buat sira nee povu sira sei halerik,” katak Branco ba STL liu husi via Telefone Kuarta, (18/04/2018).

Nia dehan, durante tinan 10 ukun, maibe  povu iha Dili  laran deit mos sei halerik ba bemos, tanba nee iha kampana povu hakarak atu rona programa laos kona ba dada kadoras tanba dada kadora nee laos kestaun ou probelma povu   nian, maibe problema lider sira nia atu halao.

Entertantu liu husi mensajen Xefe Bankada CNRT, Arao Noe hatete,  dada kadoras nee los duni kestaun estadu nian, maibe partidu politik ida tenke kompremete no hatudu nia prinsipiu politiku kona ba kadoras atu dada ba neebe. 

Notisia kompletu lee iha jornal STL edisaun Sabado (21/04/2018)

Guilhermina Franco/ Jacinta Sequeira | Suara Timor Lorosae

Sem comentários: