Marí La Importa Linguajen Insulta

DILI, (TATOLI) – Primeiru Ministru, Marí Alkatiri, hateten nia lakohi importa linguajen insulta iha kampaña polítika ba eleisaun antesipada.

“Kampaña ne’e atu ko’alia programa. Tanba ne’e, ha’u la importa linguajen insulta malu no tolok malu”, Xefe Governu hato’o ba jornalista sira iha Palásiu Prezidente Nicolau Lobato, Bairru Pité, sesta ne’e, relasiona ho lider sira insulta malu iha kampaña polítika.

Nia dehan, bainhira lider sira insulta malu no tolok malu, la rai lisaun di’ak ba jerasaun foun sira atu banati tuir iha futuru.

“Labele tanba de’it ita nia ambisaun ba poder, ita hatudu lisaun ladi’ak ba ita nia oan jerasaun foun sira”, salienta.

Iha biban ne’e, Marí hatutan Lei Pensaun Vitalísia ladun iha problema ona tanba tinan kotuk Parlamentu Nasionál ba Terseira Lejizlatura redus ona kuaze pursentu 40 hosi pursentu 100.

“Uluk Lei Pensaun Vitalísia ba eis titulares orgaun soberania ne’e sai problema boot tanba boot demais, maibé agora reduzidu ona”, afirma.

Jornalista: Xisto Freitas | Editora: Rita Almeida