Prezidente hosi Parlamentu
Nasional timoroan nian asina ona, iha loron-segunda ne'e, konvokatóriu ba loron
13 Juñu hosi sesaun tomada pose ba deputadu eleitu na'in 65 iha lejislativu
loron 12 Maiu, hatete hosi fonte parlamentar ba Lusa.
Markasaun hosi sesaun inaugural
ba lejislatura dalima, asina hosi Aniceto Guterres Lopes, hanesan hakat dahuluk
iha prosesu ne'ebé hafoin ne'e sei lori ba formasaun no tomada pose hosi
Governu konstitusional daualuk, apoia hosi koligasaun Aliansa Mudansa ba
Progresu (AMP) ne'ebé maka hetan ona maioria absoluta iha votasaun.
Loron markadu hodi hahú
lejislatura akontese liutiha loron 16 hafoin loron ne'ebé maka Tribunal Rekursu
sertifika ona rezultadu sira hosi eleisaun antesipadu.
Iha loron-segunda ne'e,
Prezidente Repúblika, Francisco Guterres Lu-Olo, simu ona, ba dala uluk,
lideransa sira hosi forsa polítika haat ne'ebé maka hili ona deputadu sira ba
parlamentu, liuliu AMP (deputadu na'in 34), Frente Revolucionária do Timor-Leste
Independente (Fretilin) - ne'ebé sei iha deputadu na'in 23, Partidu Demokrátiku
(PD) - sei iha deputadu na'in lima no Frente Dezenvolvimentu Demokrátiku (FDD)
ne'ebé sei iha estreia ho deputadu na'in tolu.
Deputadu atual sira sei partisipa
iha sesaun abertura hosi lejislatura foun, ne'ebé sei fó pose ba deputadu foun
sira no hafoin ne'e sei hili prezidente foun Parlamentu Nasional nian.
Rejimentu parlamentar determina
katak kandidatura sira ba kargu prezidente Parlamentu Nasional nian tenki hetan
mínimu hosi deputadu na'in sanulu no máximu ida hosi deputadu na'in 20 no
vensedor tenki iha votu maioria absoluta.
Hafoin ne'e, sei hili elementu
sira seluk hosi meza, liuliu visi-prezidente sira, sekretáriu ho
visi-sekretáriu sira, ne'ebé nia kandidatura tenki hetan subskrisaun hosi
"mínimu deputadu na'in ualu no máximu deputadu na'in 12, tuir lista
fexadu, kompletu ho nominativu".
Rejimentu determina mós kriasaun
hosi "komisaun ida verifikasaun ba poder sira" hosi deputadu sira.
Lejislatura iha durasaun tinan
lima ho sesaun lejislativu haat hosi tinan ida ne'ebé, tuir rejimentu, tuir
loloos hahú iha loron 15 Setembru no hotu iha loron 14 Setembru tinan oinmai.
Bainhira sobu parlamentu, hanesan
asaun ne'ebé akontese foin lalais, "Parlamentu Nasional eleitu hahú lejislatura
foun ne'ebé nia durasaun aumenta hosi tempu ne'ebé presiza hodi kompleta
períudu ne'ebé hanesa ho sesaun lejislativu ne'ebé hala'o to'o loron eleisaun
nian".
Iha tinan liubá, Tribunal Rekursu
valida ona rezultadu hosi eleisaun loron 22 Jullu iha loron 01 Agostu, no
sesaun lejislativu dahuluk hosi lejislatura dahaat hahú, formalmente, iha loron
05 Setembru, ka liutiha fulan ida hafoin validasaun hosi rezutaldu sira.
Governu konstitusional dahitu
simu pose iha loron 15 Setembru.
SAPO TL ho Lusa
Sem comentários:
Enviar um comentário