terça-feira, 31 de julho de 2018

Adriano: Politika Agora Hatun Malu Deit

PARTILHAR

DILI – Relasiona ho impase politika neebe mak lao durante nee, VII governu mai too agora PD konsidera politika agora buka hatun malu deit.

Liu husi sesaun plenaria Tersa (31/07/2018) iha uma fukun PN, hafoin halao deklarasaun politika husi bankada Fretilin kona ba mosaun de  rejeisaun ba programa VIII governu.

Iha intervensaun intervensaun Deputadu PLP, Francisco de Vasconcelos hatete, haree programa VII governu nian, programa sira nee mak promosi iha VIII governu.

“Tanba VII governu lakonsege halo obriga governu minoria, kontradis ho artigu 106 konstituisaun,” tenik nia.

Nia hatutan, iha deklarasaun Fretilin dala barak halerik ba AMP, maibe iha konstituisaun iha hela, PM indijitadu husu partidu mais votadu ou aliansa maioria parlamentar, tanba Fretilin  lahalo maioria parlamentar, tanba nee mak konsekuensia.

Entretantu Vice Bankada PD, Adriano do Nascimento hatete, segunda deklarasaun Fretilin nian pertinente tebes kona ba rejeisaun ba programa VIII governu nian, no apresia bankada governu, tanba rekonese programa VII governu hanesan ho VIII governu nian. 

Notisia kompletu lee iha jornal STL edisaun Kuarta (01/08/2018)

Guilhermina Franco / Est. Felisberto | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: